Նոյեմբերի 6-ին, ժամը 15:10-ին Լոռու մարզային փրկարարական վարչության ճգնաժամային կառավարման կենտրոն ահազանգ է ստացվել, որ Գյուլագարակ գյուղի խաչմերուկում տեղի է ունեցել ՃՏՊ. անհրաժեշտ է փրկարարների օգնությունը։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ստեփանավան-Վանաձոր ավտոճանապարհի 10-րդ կմ-ին «KamAZ» մակնիշի ավտոմեքենան (վարորդ՝ Ա. Պ., ծնված 1979 թ․) բախվել է ճամփեզրին կայանած «Opel» մակնիշի ավտոմեքենային (վարորդ՝ Մ. Ա., ծնված 1960 թ․). «KamAZ» մակնիշի ավտոմեքենան կողաշրջվել է, առկա է վառելիքի արտահոսք, իսկ «Opel» մակնիշի ավտոմեքենան կողաշրջված հայտնվել է հարակից տան այգում։
Փրկարարները հոսանքազրկել են ավտոմեքենաները, փակել «Opel» մակնիշի ավտոմեքենայի գազի բալոնի փականը, տուժած Գ. Գ.-ին (ծնված 2006 թ․) մոտեցրել շտապօգնության ավտոմեքենային և իրականացրել ճանապարհահատվածի լվացման աշխատանքներ. տուժածը հոսպիտալացվել է բժշկական կենտրոն։
Կարդացեք նաև
ՀՀ ներքին գործերի նախարարության փրկարար ծառայություն
