«Ունենք խնդիր, այդ խնդիրը պետք է լուծվի։ Եվ այդ խնդրի լուծման համար առաջարկվել է այս տարբերակը»,- ԱԺ արտահերթ նստաշրջանում ՔՊ խմբակցության պատգամավոր Հայկ Սարգսյանի հեղինակած «Զինվորական ծառայության եւ զինծառայողի կարգավիճակի մասին» օրենքում լրացումներ եւ փոփոխություն կատարելու մասին նախագծի քննարկման ժամանակ ասաց ՔՊ խմբակցության պատգամավոր Անդրանիկ Քոչարյանը։ Նրա խոսքով՝ առաջինից երկրորդ ընթերցման ժամանակ օրենքի նախագիծը կլրամշակվի։
«Մեկ է՝ ամբողջական լուծում, որ բոլորին բավարարի, չի գտնվելու։ Այդ դեպքում ոչ մի բան էլ պետք է չփոխվեր, եթե չփախնեին ծառայությունից եւ զորակոչից։ Համաձայն եմ՝ պատճառը խորքային է, խորքը որտե՞ղ է, պատերազմն է, թե՞ խաղաղությունը։ Խորքերը եկեք ման չգանք, գտնենք լուծում, որ մարդկանց ոչ թե դատենք, այլ տանք հնարավորություն։ Տրված են չորս ալտերնատիվ ուղղություններ, եւ այդ ուղղությունների հետ կապված մենք պետք է համերաշխ լինենք։ Իսկ ապագայում օրենքի ինչպիսի կարգավորումներ կգտնենք, ոչ մեկը մեզ չի կաշկանդում»,- նշեց Անդրանիկ Քոչարյանը։
Ռոզա ՀՈՎՀԱՆՆԻՍՅԱՆ