Այս տարի կենսաթոշակը չենք բարձրացնելու։ Այս մասին այսօր լրագրողների հետ հանդիպման ժամանակ հայտարարեց աշխատանքի եւ սոցիալական հարցերի նախարար Նարեկ Մկրտչյանը։
Կառավարությունը, Մկրտչյանի փոխանցմամբ, կենսաթոշակների բարձրացում նախատեսում է 2025 թվականին։
«Բոլոր կենսաթոշակառուները, խոսքը 515 հազար շահառուի մասին է, որոնք բանկային քարտերով եւ անկանխիկ եղանակով կկատարեն գործարքները, նրանք կարող են մինչեւ 10%, բայց ոչ ավել, քան 5 հազար դրամ հետվճար ստանալ: Ինչ է սա, եթե ոչ կենսաթոշակի բարձրացման էֆեկտ։ 2025-ին միջնաժամկետ ծախսային ծրագրերով ներկայացրել ենք կենսաթոշակի բարձրացում եւ կգնանք դրան»,-ասաց նախարարը։
Պատասխանելով հարցին՝ միջին կենսաթոշակը երբ կհավասարվի նվազագույն պարենային զամբյուղին, Մկրտչյանն ասաց․ «Եթե անգամ չհամադրենք 10% հետվճարը, մենք նույնիսկ անցել ենք նվազագույն զամբյուղից։ Առաջին անգամ ամենամեծ թվով գերազանցել ենք նվազագույն պարենային զամբյուղին։ Իսկ միջին կենսաթոշակին եւ նվազագույն զամբյուղին եթե չենք գումարում հետվճարի 10%-ը, 71 եւ ավել տոկոս է ստացվում, եթե դա էլ ենք գումարում՝ անցնում է 81%-ը։ Կփորձենք երկրի ֆինանսա-տնտեսական հնարավորությունները հաշվի առնելով՝ կառավարության թիրախին հասնել»։
Կարդացեք նաև
Նելլի ԲԱԲԱՅԱՆ
