Ընդհանուր հաշվարկով Եվրոպայի թիմային հաղթողի կոչումը նվաճած ծանրամարտի Հայաստանի ազգային հավաքականը վերադարձել է Երեւան:
Hundreds of fans welcome our national team returning from the European Weightlifting Championship at Zvartnots international airport of Armenia
«Զվարթնոց» օդանավակայանում հավաքված հարյուրավոր մարզասերները ջերմ ծափահարություններով են դիմավորել հաղթողներին:
Նորընծա չեմպիոնները հենց օդանավակայանում ճեպազրույց ունեցան լրատվամիջոցների ներկայացուցիչների հետ:
Hundreds of fans welcome our national team returning from the European Weightlifting Championship at Zvartnots international airport of Armenia
Վարազդատ Լալայան. «Շատ ուրախ եմ մեդալի եւ շնորհակալ՝ շնորհավորանքների համար: Չեմ կարող ասել, թե Լաշա Տալախաձեի մասնակցությունը ինձ ինչ մոտիվացիա կտար: Ինչի պատրաստ էի, ինչ կարող էի, արեցի, թեեւ իմ ցույց տված արդյունքները ունեցածս հնարավորությունների առավելագույնը չէին, որովհետեւ պատրաստվելու ժամանակը քիչ էր բոլորիս համար էլ: Հիմա փուլ առ փուլ գնալու ենք դեպի օլիմպիական խաղեր:
Կարդացեք նաև
Ինչ վերաբերում է հաղթելու համար իմ, Գոռ Մինասյանի եւ Լաշա Տալախաձեի պայքարին, ոչինչ խոստանալ չեմ կարող: Հարկավոր է քրտնաջան մարզվել, ինչը ես անում եմ»:
Hundreds of fans welcome our national team returning from the European Weightlifting Championship at Zvartnots international airport of Armenia
Ալեքսանդրա Գրիգորյան. «Շնորհավորանքների համար շնորհակալ եմ բոլորին: Պոկում վարժությունից հետո մեդալի հույս կար, բայց երկամարտում չեմպիոն դառնալու հույս այնքան էլ չունեի: Սակայն կռիվ տվեցի ու կարողացա առաջին տեղը գրավել: Շատ ուրախ եմ, որ հայ ազգի դրոշը բարձրացրի: 2024 թվականի օլիմպիական խաղերին չենք մասնակցելու, բայց անելու ենք ամեն բան, որ 2028 թվականին մեր բոլորի հույսերը արդարացնենք»:
Գոռ Սահակյան. «Եվրոպայի առաջնությանը նախապատրաստվելու համար շատ քիչ ժամանակ է եղել եւ այդքանով էինք հասցրել պատրաստվել: Ընդամենը երկու հավաք էինք անցկացրել: Դա շատ քիչ է մրցմանը 100 տոկոս պատրաստ լինելու համար: Արել եմ այդ պահին իմ առավելագույն կիլոգրամները, սակայն ես ավելին եմ կատարել: Փառք Աստծո, որ այդ կիլոգրամներով կարողացա դառնալ Եվրոպայի չեմպիոն: Այս օլիմպիական խաղերը բաց կթողնեմ, քանի որ չեմ հասցնի քաշային կարգս փոխել եւ կիլոգրամներ բարելավել: Այնպես որ, չեմ շտապում: Ամեն ինչ դեռ առջեւում է»:
Hundreds of fans welcome our national team returning from the European Weightlifting Championship at Zvartnots international airport of Armenia
Հակոբ Մկրտչյան. «Շատ եմ ափսոսում, որ իմ քաշային կարգը օլիմպիական չէ, որովհետեւ բոլոր մարզիկների երազանքը օլիմպիական խաղերին մասնակցելն է: Բայց ինչ արած, այսպես է դասավորվել: Իհարկե, հաճելի էր, երբ երկու հայ ծանրորդներով կանգնեցինք պատվո պատվանդանի ամենաբարձր հարթակներին: Այս տարվա գլխավոր պլանը դեկտեմբերին կայանալիք աշխարհի առաջնությանը պատրաստվելն է:
Քաշային կարգ փոխելու մասին դեռ չեմ մտածում, որովհետեւ ինձ թվում է, որ Փարիզից հետո քաշային կարգերը նորից կփոխվեն: Այնպես որ, շտապելու իմաստ չկա»:
Աշոտ ՀԱԿՈԲՅԱՆ
