Թե որ երկրները նկատի ուներ Փաշինյանը, երբ խոսում էր 2020 թվականի պատերազմի ժամանակ Հայաստանին «օգնելու իմիտացիայի» մասին, մենք պետք է ինքնե՞րս գուշակենք, թե՞ հետո մեզ կպատմեն. արտաքին քաղաքականության ընթացիկ հարցերի վերաբերյալ ճեպազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան:
«2020 թ. աշնանը հակամարտության հենց սկզբից ՌԴ-ն ամեն ինչ արել է այն դադարեցնելու համար, ինչպես նշել է նախագահ Պուտինը, «որպեսզի Հայաստանն իրեն լքված և մոռացված չզգա»: Հիշեցնեմ՝ այն ժամանակ տեղի ունեցան Պուտինի բազմաթիվ հեռախոսազրույցները Ալիևի և Փաշինյանի հետ։
Հրադադարի հնարավորություն կար դեռ հոկտեմբերին, Ադրբեջանի նախագահը համաձայնել էր Պուտինի առաջարկին, բայց ՀՀ վարչապետը նախընտրեց շարունակել ռազմական գործողությունները: Թե դա ինչի հանգեցրեց, բոլորը գիտեն»,- նշել է Մարիա Զախարովան։
