Armlur.am-ի բացառիկ տեղեկությունների համաձայն` իրավապահները հայտնաբերել են Գեղարքունիքի մարզի նախկին դատախազ Կարեն Սերվանտեսի Խաչատրյանի անշնչացած մարմինը:
Ըստ նախնական վարկածի` վերջինս իր նոր գնված ատրճանակով մտել է իր տան սենյակ` այն մաքրելու նպատակով: Քիչ անց լսվել է կրակոց, որից հետո հայտնաբերել են նրա դին:
Shamshyan.com-ը նշում է, որ Կ. Խաչատրյանն իրեն պատկանող «Բերետտա APX» տիպի 9X19 մմ տրամաչափի ատրճանակը մաքրելու ժամանակ, զենքի հետ անզգուշությամբ վարվելու հետևանքով, կրակոց է արձակվել, ինչն էլ դարձել է մահվան պատճառ։
ՆԳՆ-ից «Փաստինֆո»-ի հետ զրույցում պաշտոնապես հաստատել են, որ շտապօգնությունից ահազանգ է ստացվել, իրավապահները մեկնել են դեպքի վայր։ Հայտնաբերվել է տղամարդու դի՝ հրազնեային վնասվածքներով։
