Ermenihaber. Թուրքիայի շրջական միջավայրի, քաղաքաշինության և կլիմայի փոփոխության նախարար Մուրադ Քուրումն անդրադարձել է նոյեմբերի 11-ից 22-ը Բաքվում կայանալիք «ՄԱԿ-ի Կլիմայի փոփոխության մասին շրջանակային կոնվենցիայի մասնակիցների կոնֆերանսի 29-րդ նստաշրջանին» (COP 29):
Նա ընդգծել է, որ Թուրքիան «COP 29»-ի ամբողջ ընթացքում Ադրբեջանին ցուցաբերելու է ամեն տեսակ աջակցություն:
«Մենք ցանկանում ենք, որ COP 29-ն ամբողջ աշխարհի համար կարևոր որոշումների կայացման հանդիպում լինի»,-հավելել է նա:
Քուրումը նման հայտարարություններով հանդես է եկել Ադրբեջանում «Pre-CՕP 29. բարձրացնել վճռականությունը, արդյունավետ դարձնել միջոցառումը» խորագրով միջոցառմանը մասնակցելուց հետո՝ լրագրողների հետ հարցուպատասխանի ժամանակ:
