«Իրենք էլ են հասկանում՝ հնարավոր չի բախել մի դուռ, որը ոչ թե փակված է, այլ չկա։ Բետոնե պատ է, այդ դուռը չի բացվելու»,- այսօր «Սպուտնիկ Արմենիա» մամուլի սրահում կայացած ասուլիսում ՀՀ-ի՝ ԵՄ անդամ դառնալու հեռանկարի մասին խոսելով, ասաց ՀԱԿ փոխնախագահ Լեւոն Զուրաբյանը։
Այս համատեքստում էլ անդրադառնալով ՀՀ-ում ԵՄ անդամակցության պահանջով իրականացված ստորագրահավաքին էլ, Լեւոն Զուրաբյանն ասաց, որ դա արվում է՝ «Սեփական ժողովրդի վրա պատրանքներ վաճառելու համար»։
Լեւոն Զուրաբյանը նկատում է՝ ոչ ոք չգիտի, թե Նիկոլ Փաշինյանի արտաքին քաղաքական կուրսը ո՞րն է, ի՞նչ է նշանակում ՀԱՊԿ-ից դուրս չգալ, բայց սառեցնել անդամությունը, ասել, որ ինքը չգիտի՝ ԵՄ-ում մեզ սպասո՞ւմ են, թե՞ ոչ, որ ժողովրդին տանի այնտեղ։ Հավելում է՝ իշխանությունը պետք է ռեսուրսների հաշվարկ անի, դրանք ներկայացնի ժողովրդին եւ պատասխանատվությունն իր վրա վերցնելով՝ ուղղորդի ժողովրդին։
Ինչ վերաբերում է ՀԱՊԿ անդամակցությանը՝ համարելով, որ ՀԱՊԿ-ն այդուհանդերձ չի կատարել իր պարտականությունները Հայաստանի նկատմամբ, Լեւոն Զուրաբյանը կարծում է, որ Հայաստանը պետք է գնա եւ փորձի այդ կառույցից ստանալ իրեն հուզող հարցերի պատասխանները։ Ասում է նաեւ, որ Նիկոլ Փաշինյանն էլ հասկանում է, որ եթե Ադրբեջանը ներխուժի՝ «Զանգեզուրի միջանցքի» հարցը լուծելու համար, միեւնույն է՝ ՀԱՊԿ-ն է զսպելու այդ երկրին, ոչ թե Արեւմուտքը։
Կարդացեք նաև
Խնդիրը նա դիտարկում է Նիկոլ Փաշինյանի կողմից պատասխանատվությունից խուսափելու հարթությունում:
Մանրամասները՝ տեսանյութում
Նելլի ԳՐԻԳՈՐՅԱՆ
