Լրահոս
Օրվա լրահոսը

«Այս շենքում, օվալաձեւ սեղանի ետեւում նստած մարդիկ ընդունեցին, որ իրենք տգետ են եւ դա է ճշմարտությունը»․ Արտակ Զաքարյանը՝ ՔՊ-ականներին

Ապրիլ 23,2025 20:55 Share
Աջակցեք aravot.am-ին

«Այս շենքում (նկատի ունի ՀՀ կառավարության նստավայրը-Ն․ Գ․), օվալաձեւ սեղանի ետեւում նստած մարդիկ ընդունեցին, որ իրենք տգետ են եւ դա է ճշմարտությունը»,- Հանրապետության հրապարակից դեպի Ծիծեռնակաբերդի հուշահամալիր ՀՅԴ-ի երիտասարդական կառույցի կազմակերպած ջահերով երթից առաջ, լրագրողների հետ զրույցում ասաց պաշտպանության նախկին նախարար, ՀՀԿ Գործադիր մարմնի անդամ Արտակ Զաքարյանը՝ պատասխանելով իշխանական շրջանակներից հնչող կարծիքին, որ մինչեւ 1930 թվականը Ցեղասպանության մասին խոսք չի եղել։

Արտակ Զաքարյանը՝ հատուկ ՔՊ-ականների համար թվարկեց Ցեղասպանությանը վերաբերող միջազգային փաստաթղթերը, որոնք ընդունվել են 1930-ականներին եւ այն երկրները, որոնք 1946-ից սկսած հետապնդել են այդ հարցը։

Իր համոզմամբ, ինչպես հրեաներն են Հոլոքոստի հարցը դնում իրենց պետական քաղաքականության հիմքում, այնպես էլ հայերի համար Ցեղասպանության հարցը պետք է լինի արտաքին քաղաքական օրակարգի հարցերից։ Հայկական հաղթանակները, նրա համոզմամբ, լինելու են հենց այդ օրակարգով եւ միասնականությամբ։

Մանրամասները՝ տեսանյութում

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: