Լրահոս
Օրվա լրահոսը

«Եթե խաղաղության ես գնում նվաստացման գնով, ստանում ես ե՛ւ նվաստացում, ե՛ւ պատերազմ». Արա Զոհրաբյան

Ապրիլ 24,2025 15:28 Share
Աջակցեք aravot.am-ին

Եթե ատելություն ես ցանում, չես կարող հնձել սեր, խաղաղություն: Ցանում ես ատելություն, ատելություն ես հնձելու: Այսօր Ծիծեռնակաբերդի հուշահամալիրում հայոց ցեղասպանության 110-րդ տարելիցին լրագրողների հետ զրույցում ասաց «Զարթոնք» ազգային-քրիստոնեական կուսակցության ղեկավար, փաստաբան Արա Զոհրաբյանը:

Նա նկատեց՝ չի կարելի չդատապարտել ցեղասպանություն իրականացնողին, որովհետեւ եթե չես դատապարտում, կրկնվելու վտանգը մեծանում է. «Իսկ Թուրքիան չի ընդունում ցեղասպանության փաստը, ներողություն չի խնդրում. մենք չենք կարող այդ պետությանը կոչել բարեկամ պետություն» :

Արա Զոհրաբյանի խոսքով, ՀՀ իշխանությունների քաղաքականությունը պատերազմի է տանում. «Դա պարզ երեւում է, հետագայում թող որեւէ մեկի վրա այդ մեղքը չբարդեն»:

Նա նաեւ նկատեց, որ այսօր հակաարցախյան տրամադրությունների ստեղծման, թշնամասիրության քարոզչության ֆոնին ներսից ջարդում են ազգին ու թշնամու համար հարձակման գայթակղիչ թիրախ դարձնում. «Եթե խաղաղության ես գնում նվաստացման գնով, ստանում ես ե՛ւ նվաստացում, ե՛ւ պատերազմ» :

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Մեկնաբանություններն անջատված է: