Գործարար Սամվել Կարապետյանի եղբայրը՝ Կարեն Կարապետյանը, լրագրողներին հայտնեց, որ այս պահին տանը խուզարկություն չի իրականացվում, թոռներն են տանը վազվզում:
«Նոր մտա տուն, ջուր խմեցի, դուրս եկա: Մեր թոռները վազվզում են: Հենց նոր տեղեկացա, որ տանը խուզարկություն չկա: Ինչքան տեսա՝ չի իրականանում, եթե եղել է, ես չգիտեմ, բայց կարծում եմ ՝ չէ»,- ասաց Կարեն Կարապետյանը:
Նա, սակայն հաստատեց, որ մոտ 40 անձանց են իրենց տան առջեւից բերման ենթարկել, ովքեր են, ասաց չգիտի:
Կարդացեք նաև
Բայց իրեն հասած տեղեկություններով՝ նույնիսկ կան ձեռքի կոտրվածնքերով բերման ենթարկված անձինք:
«Եթե ճշմարտությոնն ասելը հանցագործություն է, ուրեմն մենք հանցագործներ ենք: Սամվելի գրած ամեն տառի տակ ես ստորագրում եմ»,- ասաց Կարեն Կարապետյանը:
Հիշեցնենք, որ Սամվել Կարապետյանը հայտնվեց իրավապահների թիրախում, երբ այսօր ի պաշտպանություն Հայ Առաքելական եկեղեցու հայտարարություն արեց:
Արփինե ՍԻՄՈՆՅԱՆ
