Երևան, 2026թ․ մարտի 2-ին մի շարք հանրային և հասարակական գործիչներ՝ քաղաքագետներ, տնտեսագետներ, ժողովրդագիրներ, արևելագետներ, միջազգային իրավաբաններ, բարձր տեխնոլոգիական ճարտարագետներ և այլ ոլորտների ներկայացուցիչներ ազդարարեցին «Հայկական վեկտոր» նախաձեռնության մասին։
Նախաձեռնության գաղափարը ծնվել է բազմաթիվ ոլորտային քննարկումների արդյունքում՝ Հայաստանի հանրային-քաղաքական կյանքում, կառավարման մեջ և բարեփոխումների գործընթացում թե՛ տարբեր բնագավառների արհեստավարժ կադրերի, թե՛ հանրության ավելի լայն մասնակցություն ապահովելու հրամայականից։
Նախաձեռնության անդրանիկ հավաքը որոշեց նախաձեռնողներին մինչև մարտ ամիսը ներառյալ լիազորել՝
1․ մշակել նախաձեռնության գաղափարական և ծրագրային հենքը,
2․ խորհրդակցությունների շարք սկսել համախոհ, գաղափարակից անհատների, հանրային դեմքերի ու ուժերի հետ՝ քննարկելու հանրային, քաղաքացիական և քաղաքական լայն համախմբման հեռանկարները,
3․ որոշում կայացնել համագումար հրավիրելու, նախաձեռնության ինստիտուցիոնալ գրանցման և 2026թ․ հունիսի 7-ի խորհրդարանական ընտրություններին հնարավոր մասնակցության ձևաչափի վերաբերյալ։
Նախաձեռնության ֆեյսբուքյան էջը հետայսու կտեղեկացնի ընթացիկ և կարևոր իրադարձությունների մասին
«Հայկական վեկտոր» նախաձեռնություն
