ՌԴ փոխվարչապետ Ալեքսեյ Օվերչուկը ժամանել է Ադրբեջան, հայտնում են ադրբեջանական լրատվականները։
ՌԴ փոխվարչապետը կմասնակցի Ադրբեջանի և Ռուսաստանի միջև տնտեսական համագործակցության միջկառավարական հանձնաժողովի 24-րդ նիստի շրջանակում անցկացվող միջոցառումներին, որը տեղի կունենա ապրիլի 16-ին, հայտնում է Ռուսաստանի կառավարության մամուլի ծառայությունը։
Միջկառավարական հանձնաժողովի 24-րդ նիստը կկայանա Ալեքսեյ Օվերչուկի և Ադրբեջանի փոխվարչապետ Շահին Մուստաֆաևի համատեղ նախագահությամբ։
Հանդիպման օրակարգում են՝ հանձնաժողովի 23-րդ նիստի որոշումների իրականացման շուրջ քննարկումը, որը տեղի էր ունեցել Աստրախանում անցյալ տարվա օգոստոսի 22-ին։
Կարդացեք նաև
Կողմերը կքննարկեն նաև երկկողմ համագործակցության հիմնական ոլորտների զարգացման գործողությունների ծրագրի ընթացքը։
