Երևանի ավագանու անկախ անդամ Իզաբելլա Աբգարյանի ֆեյսբուքյան գրառումը
Քիչ առաջ տեսա կադրերը, թե ինչպես է մի կին շիշ նետում տրոլեյբուսի վարորդի վրա։
Դա խուլիգանություն է և պատժելի գործողություն։
Մեր քաղաքացիները պետք է մնան օրենքի շրջանակներում։
Իսկ այս բռնարարքների շարանի վտանգավորությունը չգիտակցող` որոշում ընդունողները ՊԱՏԱՍԽԱՆԱՏՈՒ ԵՆ յուրաքանչյուր նման դեպքի համար։
Կարդացեք նաև
Երեկ 10 համարի տրոլեյբուսում ես եմ կանխել իրավիճակի հունից դուրս գալը։ Ու մեղավորը պատժվելուց վախեցող, վերադասի հրահանգը կատարող վարորդն էր։
Տեղից շարժվեց, այդպես էլ չբացելով հետևի դուռը։ Այնտեղից, բնականաբար, սկսեցին գոռալ։ Պատասխանը «հանճարեղ էր»։ Առաջարկեց իջնողներին նախօրոք մոտենալ և զգուշացնել։ ԼՑՎԱԾ տրոլեյբուսում։
Ասացի, որ իրավունք չունի նման պահանջ դնելու, մարդիկ էլ չպիտի առաջ անցնեն իջնելու համար։ Փորձեց հակաճառել։ Ներկայացա, որ ավագանու անդամ եմ։
Ինձ վրա վերցրեցի վարորդի հետ պարզաբանումը։ Մարդիկ դրանից հանգստացան։
Առաջարկում եմ այս հիմար որոշման հետ համերաշխ ավագանու անդամներին կանգնել վարորդների կողքին և իրենց վրա վերցնել մարդկանց զայրույթը։


















































