Այսօր համացանցը խոսում է զեբրի մասին։ Ոմանք վստահ են, որ դա զեբր էր, ոմանք՝ ոչ։ Ոմանք ժպտում են, ոմանք՝ անհանգստանում։
Եկեք ասենք ուղիղ․ սա ZEYRO-ի նախաձեռնությունն էր։ Մեր նպատակն էր խոսեցնել մարդկանց այն կերպարի մասին, որը մեր բրենդի գլխավոր խորհրդանիշն է՝ զեբրի մասին։
Միևնույն ժամանակ ուզում ենք հստակ ընդգծել․ նկարահանումների ընթացքում ոչ մի կենդանի չի տուժել։ Ամեն ինչ իրականացվել է կենդանու տիրոջ համաձայնությամբ, վերահսկվող պայմաններում և օգտագործվել են կենդանու համար անվտանգ, էկոլոգիական ներկեր։
Մենք հասկանում ենք, որ նման նախաձեռնությունը կարող է տարբեր արձագանքներ առաջացնել։ Հենց դրա համար էլ ուզում ենք, որ այս պատմությունը չմնա միայն քննարկումների և մեմերի մակարդակում։
Կարդացեք նաև
ZEYRO-ն հրապարակային առաջարկով դիմում է Երևանի կենդանաբանական այգուն՝ ստանձնելու այգում ապրող զեբրերի խնամքի աջակցությունը՝ կերի, անհրաժեշտ պայմանների և նրանց հարմարավետ կյանքի ապահովման ուղղությամբ։
Եթե այսօր բոլորը խոսում են զեբրերի մասին, մենք ուզում ենք, որ այդ ուշադրությունը վերածվի իրական հոգատարության։
ZEYRO. իրական զեբրերի կողքին։
Մամուլի հաղորդագրություն
