Վեդիում մանկապղծության զոհ դարձած երկու անչափահաս երեխաներից 17-ամյա աղջկա վերաբերյալ արդեն կա դատաբժշկական փորձաքննության եզրակացությունը։
Այս մասին այսօր հրավիրված ասուլիսի ժամանակ ասաց մանկապղծության զոհ դարձած երկու անչափահաս երեխաների ներկայացուցիչ, փաստաբան Վարդուհի Էլբակյանը:
«Երեկ են մեզ տրամադրել փորձաքննությունը, այն պետք է հիմք հանդիսանար կոնկրետ գործողություններ կատարելու համար: Փորձաքննության եզրակացությունը համընկել է աղջկա պատմածների հետ»,- ասաց Էլբակյանը:
Նրա խոսքով՝ իրենց միջնորդությամբ, երեխաները տարվել են լրացուցիչ գինեկոլոգիական հետազոտության. «Դրա մասին չեմ ուզում խոսել, այն այն, ինչ հայտնաբերվել է, սարսափելի է: Սահմռկեցուցիչ փաստեր ունենք մեր ձեռքի տակ, որոնք ոչ թե մենք պետք է հավաքագրեինք, այլ իրավապահները պետք է բացահայտեին…
Կարդացեք նաև
Մենք խոսում ենք մանկապիղծների մասին, ինչու նրանք կալանավորված չեն, երբ մենք ունենք մեկ գրառման համար կալանավորված սրբազան: Ինչի՞ են պահում այս մանկապիղծներին, նրանք հատուկ արտոնյալ կարգավիճակից են օգտվում, դա միանշանակ է: Իրենց ոտքով երեկ բերեցին քննչական մարմին, գուրգուրելով տարան»:
Արփինե ՍԻՄՈՆՅԱՆ
Հ. Գ. Ի դեպ, ասուլիսից հետո լրագրող Սյուզի Բադոյանը հրապարակեց, որ Վեդիում սեռական բռնության ենթարկված անչափահաս քույրերին առանց փաստաբանի տարել են հարցաքննության։
