Թե ՀՀ վարչապետ Նիկոլ Փաշինյանը, թե «Քաղաքացիական պայմանագիր» կուսակցության այլ գործիչներ բազմիցս որպես մեղադրանք նշել են, թե հայտնի ուժերը Ռուսաստանից մեծ թվով քաղաքացիների են բերելու Հայաստան՝ ընտրություններին մասնակցելու համար եւ անգամ, թե ավտոբուսներ ու միկրոավտոբուսներ են ամրագրում արտերկրից բերվող ընտրողներին դիմավորելու ու տեղափոխելու համար։
Էրեբունի վարչական շրջանում լրագրողների հետ զրույցի ընթացքում Նիկոլ Փաշինյանն ասել էր. «Այսօր էլ Մոսկվայից, Կրասնոդարից և Ռուսաստանի ամենատարբեր հատվածներից մարդիկ գալիս են ու ասում են, որ հատուկ եկել են Հայաստան, որ քվեարկեն «Քաղաքացիական պայմանագրի» կուսակցության օգտին։ Չգիտեմ` այդ մարդկանց ուղարկել են, թե իրենց որոշմամբ են եկել, սակայն Ռուսաստանում բնակվող ՀՀ քաղաքացիներից ով էլ գա, նրանց 65 և ավելի տոկոսը կողմ է քվեարկելու «Քաղաքացիական պայմանագրի» կուսակցության օգտին»։
Այսօր իր ֆեյսբուքյան էջում Նիկոլ Փաշինյանը քաղաքացիներից նամակներ է հրապարակել, որոնցից երկուսը վերաբերվում են էլի արտերկրից Հայաստան եկողների քվեարկությանը։
Նամակ քաղաքացուց․ «Պարոն Փաշինյան ես հպարտանում եմ ձեզ համար։ Ես Հայաստանի քաղաքացի եմ, հունիսին գալիս եմ Հայաստան ընտրելու ձեր օգտին Իտալիայից»։
Կարդացեք նաև
Նամակ քաղաքացուց․ «Ողջույն պարոն Փաշինյան։ Ես և իմ կինս հատուկ մայիսի 19–ին գալիս ենք Փարիզից Երևան մեր ձայնը ձեզ տալու։ Մեր շատ սիրված և հարգված մարդ։ Մինչ հանդիպում հաղթանակով»։
