«Ուժեղ Հայաստան» կուսակցության թիմն այսօր նախընտրական հանդիպումներ է անցկացնում Գեղարքունիքի մարզում։ Սեւան քաղաքում իրազեկման ակցիա է իրականացվել։
Մանրամասները՝ տեսանյութում
Կարդացեք նաև
Այնուհետեւ բնակչության համար ելույթ է ունեցել «Ուժեղ Հայաստան»-ի ցուցակի առաջին համար Նարեկ Կարապետյանը։
«Մեր հայրենիքի ջրային պաշարներով կենտրոնի՝ կապուտակ Սեւանի կողքին բնակվելով՝ մարդիկ իրավունք չունեն աղքատ ապրել այստեղ։ Այս ռեսուրսները պետք է օգտագործենք մենք, որպեսզի մարդիկ կարողանան այս տարածաշրջանում լավ ապրել։ Պետություն կառավարելը միայն բյուջե ծախսելը չէ, դա վարժ լինելն է, իմանալ, թե ինչպես պայմանավորվել, գործարարներին բերել Հայաստան ու զարգացնել տնտեսությունը»,- ասել է Կարապետյանը։
Նա նշել է, որ ուսուցիչների աշխատավարձը 100-110 հազար դրամ է, ոչ բոլորն են հաղթահարում ատեստավորումը, ինչպե՞ս ապրեն։ «Մեր ծրագիրն այլ է՝ բոլոր ուսուցիչների աշխատավարձն առաջին իսկ տարվանից ամեն տարի 25 տոկոսով պետք է աճի այնքան, մինչեւ 2,5 անգամ ավելանա։ Այսինքն՝ հինգ տարում ուսուցիչների եւ բուժաշխատողների աշխատավարձը 2,5 անգամ կաճի։ Այս միջոցները մեր բյուջեն ունի, այս միջոցներն ուղղվում են պարգեւավճարներին, մենք սա պետք է ուղղենք ամենախոցելի, բայց ամենակարեւոր խմբերին՝ ուսուցիչներին եւ բուժաշխատողներին»,- նշել է նա։
Մանրամասները՝ տեսանյութում
Ռոզա ՀՈՎՀԱՆՆԻՍՅԱՆ
