«Ձեզ մեղավոր չեք զգա՞, եթե Արթուր Օսիպյանին մի բան պատահի, նա 15 օրից ավելի է հացադուլի մեջ է»,- Կարեն Դեմիրճյանի անվան մարզահամերգային համալիրում Ռազմարդյունաբերական ցուցահանդեսից դուրս գալուց հետո իրեն ուղղված՝ լրագրողի այս հարցը ՔՊ վարչապետի թեկնածու Նիկոլ Փաշինյանն անարձագանք թողեց։
Լրագրողի հարցին՝ պարոն Փաշինյան, պատասխան չունե՞ք, Նիկոլ Փաշինյանն այսպես պատասխանեց․ «Ասում եմ՝ չեմ մեկնաբանում»։
Լրագրողները հիշեցրին՝ քաղհասարակությունը պահանջում է ազատ արձակել Արթուր Օսիպյանին։ Նիկոլ Փաշինյանն ասաց․ «Բանավեճի եմ, էլի, թողեք բանավիճենք»։
Հիշեցնենք՝ Արթուր Օսիպյանին ձերբակալեցին այն բանից հետո, երբ Նիկոլ Փաշինյանի քարոզարշավի ժամանակ նա մոտեցավ Նիկոլ Փաշինյանին ու ասաց․ «Ընտրությունների ժամանակ, երբ թալանչիների կլանի դեմ էինք պայքարում, աչք եք փակել Արայիկի՝ փող բաժանելու վրա»։ Նիկոլ Փաշինյանին սուր հարցեր հղելուց հետո նա կալանավորվեց 2 ամսով։ Մեղադրվում է բռնության կոչի, քարոզարշավին խոչընդոտելու և խուլիգանության մեջ։
Կարդացեք նաև
Տաթև ՀԱՐՈՒԹՅՈՒՆՅԱՆ


















































