«Հայրենիք» կուսակցություն մամուլի քարտուղար, փաստաբան Սոս Հակոբյանի ֆեյսբուքյան գրառումը
Ընտրական օրենսգրքի 101-րդ հոդվածի 1-ին մասը շատ հստակ է. եթե ընտրությունների ընթացքում տեղի են ունեցել այնպիսի խախտումներ, որոնք կարող էին ազդել ընտրությունների արդյունքների վրա, ապա Կենտրոնական ընտրական հանձնաժողովը որոշում է ընդունում առանձին ընտրական տեղամասերում վերաքվեարկություն անցկացնելու մասին, եթե այդ միջոցով հնարավոր է շտկել այդ խախտումների հետևանքները: Եթե այդ միջոցով հնարավոր չէ շտկել այդ խախտումները, ապա Ազգային ժողովի ընտրություններն անվավեր են ճանաչվում, և նշանակվում է Ազգային ժողովի ընտրությունների վերաքվեարկություն:
Այսինքն, ԿԸՀ-ն, կա՛մ արդեն իսկ հաշվել է ԲՀԿ ձայները առանց (հանած) անվավեր ճանաչված տեղամասերի ձայների և եկել է եզրահանգման, որ ԲՀԿ-ն հավաքել է իր 4%-ը, կա՛մ, եթե պարզվում է, որ ԲՀԿ-ն դրա հետևանքով չի հավաքում քվեների 4%-ը, ուրեմն ԿԸՀ-ն կայացրել է անկհայտ ապօրինի վարչական ակտ։
Երկրորդ տարբերակը ավելի հավանական է դառնում նրանով, որ ԿԸՀ-ն իր Ն-254Ա և Ն-255Ա որոշումներով առահասարակ չի անդրադարձել ազդեցության հարցին։
Նշված դեպքում ընդունված որոշումները անհապաղ ենթակա են դատական բողոքարկման ամենաքիչը՝ ԲՀԿ կողմից։
Կարդացեք նաև
Լրացում՝ ԿԸՀ-ն առհասարակ առանձին տեղամասում անվավեր ճանաչելու իրավասություն չունի, օրենսգրքից բխում է նաև՝ այդպիսի որոշման վերանայելու լիազորության բացակայությունը
