Եթե ընտրություններն անվավեր ճանաչված տեղամասերում ԿԸՀ-ն վերաքվեարկություն չի իրականացնում, ապա մնում է մեկ տարբերակ՝ ամբողջ Հայաստանում ընտրություններն անվավեր ճանաչել եւ նոր ընտրություններ կազմակերպել․ «Առաջարկ Հայաստանին» թիմի այսօր հրավիրած մամուլի ասուլիսում հայտարարեց իրավաբան Արամ Օրբելյանը։
«Մենք քննարկել ենք, պլանավորվում է ԿԸՀ-ի այս որոշումը բողոքարկել։ Իրականում այս խնդիրը չէր լինի, եթե լիներ վստահության որոշակի մակարդակ եւ «ֆռռացնելու», խաբելու, շրջանցելու նախկին բազմամյա փորձ չլիներ»,- ասաց նա՝ հավելելով, որ այս գործի առթիվ ՔԿ կայքում չկա տեղեկատվություն, որ գոնե մեկ քրեական գործ է հարուցվել։ Ասաց նաեւ, որ այլ տեղամասերում զինվորների համանման քվեարկության եւ այլ խախտումների դեպքերն էլ ավելի մանրամասն են ուսումնասիրում։
«Ակնհայտ է, որ ընտրությունները կեղծվել են»,- ասաց Արամ Օրբելյանը՝ հավելելով, որ խոսքը բացառապես քվեարկության գործընթացին չի վերաբերվում, այլ ամբողջ ընտրական գործընթացին։ Նա ասաց նաեւ, որ նաեւ ՍԴ դիմելու հարցն են քննարկում։
Հիշեցնենք, երեկ ԿԸՀ-ն արտահերթ նիստում անվավեր է ճանաչել թիվ 35/65 և 10/51 ընտրատեղամասերի քվեարկության արդյունքները։ Ըստ ԿԸՀ-ի, երկու դեպքում էլ գրանցվել էր զինծառայողների քվեարկության դեպք, ժամը 20։00-ից հետո։
Կարդացեք նաև
Ամբողջական տեսանյութը՝ այստեղ
Նելլի ԳՐԻԳՈՐՅԱՆ
Լուսանկարը՝ «Սպուտնիկ Արմենիայի»
