«Շուտով մենք ավելի ու ավելի շատ քաղաքաշինական ակտիվություն կնկատենք մեր մարզկենտրոններում, որովհետեւ եկամտային հարկի՝ հիփոթեքային վարկերի նկատմամբ գործող կառավարության աջակցությունը կշարունակի գործել հատկապես այդ քաղաքներում»,- կառավարության այսօրվա նիստում ասաց փոխվարչապետ Տիգրան Խաչատրյանը։
Կառավարությունն այսօրվա նիստում հաստատեց որոշում՝ Հայաստանի Հանրապետության Արարատի մարզի Արարատ համայնքի Արարատ քաղաքի Ս․ Շահումյան փողոց 20 և 37/1 հասցեներում կառուցապատման ներդրումային ծրագրին հավանություն տալու, ծրագրի իրականացման նպատակով գույք նվիրաբերելու համաձայնություն տալու մասին։
Դավիթ Խուդաթյանի խոսքով՝ Արարատում 160 նոր բնակարաններ են կառուցվելու, որը կթարմացնի բնակֆոնդը։
Տիգրան Խաչատրյանն ասաց․ «Սա այն դեպքերից է, երբ մենք տեսնում ենք, որ համայնքն ու կառուցապատող կազմակերպությունը համագործակցելով՝ կարող են մի կողմից իրականացնել քաղաքաշինական նշանակալի ծրագիր, մյուս կողմից՝ համայնքը նաեւ կարող է այդ հնարավորությունն օգտագործել իր որոշակի սոցիալական պարտավորություններ կատարելու համար։ Այս համագործակցությունը գուցե լավ օրինակ է Քաղաքաշինության կոմիտեի համար, որը ներկայումս ռենովացիայի ծրագրերի հիմնական գծերը մշակելու փուլում է»։
Կարդացեք նաև
Մանրամասները՝ տեսանյութում
Քաղաքաշինության կոմիտեի նախագահ Եղիազար Վարդանյանն ասաց, որ արդեն մշակել են ռենովացիայի ծրագրի իրականացման 5 սցենար, որն առաջիկայում կներկայացվի քննարկման։
Ամբողջական տեսանյութը՝ այստեղ
Ռոզա ՀՈՎՀԱՆՆԻՍՅԱՆ
