Իրանագետ Ժաննա Վարդանյանի «Իրանն այսօր» տելեգրամյան ալիքից տեղեկանում ենք.
Մոջթաբա Խամենեին նշանակումներ է կատարել նաև զինված ուժերում։
📍Գեներալ-մայոր Ալի Աբդոլլահին նշանակվել է ԶՈւ գլխավոր շտաբի պետ, իսկ բրիգադային գեներալ Քիոմարս Հեյդարին՝ շտաբի պետի տեղակալ։
🔸Աբդոլլահին ԶՈւ ԳՇ պետի տեղակալն էր ու «Խաթամ ալ-Անբիա» կենտրոնական շտաբի հրամանատարը, իսկ Քիոմարս Հեյդարին՝ տեղակալը։ Իրանի ԶՈւ ԳՇ պետի պաշտոնը զբաղեցնող Աբդոլլահիմ Մուսավին սպանվել էր պատերազմի առաջին օրը։
Կարդացեք նաև
📍Բրիգադային գեներալ Ահմադ Վահիդին, ստանալով գեներալ-մայորի կոչում, ստանձնել է ԻՀՊԿ գլխավոր հրամանատարի պաշտոնը, իսկ գեներալ-մայոր Մոստաֆա Իզադին՝ տեղակալի պաշտոնը։
🔸Վահիդին ԻՀՊԿ հրամանատարի տեղակալն էր։ Պատերազմի առաջին օրը հրամանատար Մոհամմադ Փաքփուրի սպանությունից հետո փաստացի նա էր կատարում հրամանատարի պարտականությունները։
📍Փոխծովակալ Ալի Ազմայիին նշանակվել է ԻՀՊԿ ՌԾՈւ հրամանատար, իսկ «Բասիջ» կազմակերպության ղեկավար է նշանակվել Հոսեյն Թաեբին։
🔸Ազմային ԻՀՊԿ ՌԾՈւ հրամանատարի տեղակալն էր, նախկին հրամանատար Ալիռեզա Թանգսիրին սպանվել է մարտի վերջին։
🔸Հոսեյն Թաեբը նախկինում ևս եղել է «Բասիջի» հրամանատար, նաև զբաղեցրել է ԻՀՊԿ հետախուզության կազմակերպության ղեկավարի պաշտոնը։ «Բասիջի» նախկին ղեկավար Ղոլամռեզա Սոլեյմանին սպանվել է մարտի կեսերին։
