«Հայաստանի Հանրապետությունը, եթե չպետք է առաջնորդվի հայկական շահով, ինչո՞վ պետք է առաջնորդվի։ Հայաստանի Հանրապետության եւ հայկական շահը դրանք փոխլրացնող, միմյանց հետ կենսական նշանակությամբ փոխկապակցված եւ հիմնական շահերն են։ Եվ լավ իմացեք՝ երբ Հայաստանի Հանրապետությունից հանում եք հայկական շահը, դա այլեւս հայկական պետություն չէ»,- ԱԺ նիստում իր ելույթում ասաց «Հայաստան» խմբակցության պատգամավոր Իշխան Սաղաթելյանը՝ անդրադառնալով ՔՊ-ական պատգամավորների ելույթներին։
Նա նշեց, որ այս ամենի խորքը «իրական Հայաստանի» կամ այսպես կոչված Չորրորդ Հանրապետության մոդելն է։ «Դուք ասում եք, որ մենք պետք է ունենանք նոր Սահմանադրություն, եւ այդ Սահմանադրության տերը պետք է լինի ՀՀ քաղաքացին։ Բայց ամբողջ պրոբլեմն այն է, որ Չորրորդ Հանրապետության հիմնադիրը դուք չեք, Չորրորդ Հանրապետության ճարտարապետը Թուրքիան է, կոնստրուկտորը՝ Ադրբեջանն է։ Ձեզ նույնիսկ դիզայներկան գործերը հանձնարարված չեն, դրանով զբաղվում են եվրոպական որոշ պետություններ։ Դուք այդ պրոյեկտի մեջ PR մասնագետներն եք, որ փաթեթավորեք այդ գաղափարը եւ վաճառեք մեր ժողովրդին։ Եվ հենց այստեղից է գալիս ձեր վերաբերմունքը հայկական հարցերին, Սփյուռքին, Հայ դատին, ազգային կազմակերպություններին եւ հայկական շահով առաջնորդվող մարդկանց»,- ասաց Իշխան Սաղաթելյանը։
Ամբողջական տեսանյութը՝ այստեղ.
Կարդացեք նաև
Ռոզա ՀՈՎՀԱՆՆԻՍՅԱՆ
