«Այդ մարդը չունի ոչ մի բարոյական գիծ՝ օրենք խախտելու հետ կապված, անբարոյականություններ անելու հետ կապված: Ինքը շարունակելու է այդ ամենը անել, ինչքան արտաքին ուժերը, մեր հասարակությունը իրեն կտան այդ հնարավորությունը»,- լրագրողների հետ զրույցում նշեց «Հայաստան» խմբակցության պատգամավոր Լևոն Քոչարյանը՝ շուրջ 7 ժամ տևած իրենց տան խուզարկությունից հետո:
National Security Service officers near the residence of MP Levon Kocharyan in Yerevan, Armenia
«Ոչ մի անակնկալ չկա այս առումով։ Պիղծ, դավաճանի սովորական գործելաոճն է… Այս ամենը կապված է մեր ընդդիմադիր գործունեության հետ, այս իշխանության վարած քաղաքականության հետ համաձայն չլինելու, չնահանջելու, չկզելու, ամեն ինչի մասին բարձրաձայնելու հետ։ Բայց մենք այս ամեն ինչին պատրաստ ենք։ Առաջին անգամ չէ, սա շարունակվելու է բոլոր այն մարդկանց նկատմամբ, որոնք կփորձեն դեմ արտահայտվել այս իշխանություններին»,- հավելեց նա՝ մեկնաբանելով իրենց ընտանիքի հետ կատարվածը:
«Ցավալին այն է, որ ինքն այս ամենում հանցակից է դարձնում շատ մարդկանց: Այս ապօրինությունների տակ մարդիկ ամեն դեպքում մտնում են… Կարող է գան, վատ զգալով, գլուխը կախած ինչ-որ բաներ անեն՝ քննիչներից սկսած, վերջացրած դիմակավորված անձանցով: Բայց միևնույն է, անում են ու հանցակից է դարձնում ինքն այդ մարդկանց»,- ասաց Լևոն Քոչարյանը: Նա տարակուսած է. «Չգիտեմ՝ ինչ մարդկային տեսակը կարող է ասել՝ չեմ թողնելու երեխայիդ բան ժառանգես»:
Ինչ վերաբերում է Ռոբերտ և Սեդրակ Քոչարյանի ձերբակալություններին, այս մասին էլ նշեց. «Քաղաքական գործընթաց է, փորձում են իրավական շղարշ տալ, ժողովրդի աչքը ծակող հայտարարություններ անել, բայց տակը դատարկություն է։ Պրոցեսը քաղաքական է, հանգուցալուծումն էլ քաղաքական է լինելու։ Իհարկե, կան քիչ դատավորներ, որոնք կարողանում են անկախ լինել»։
Կարդացեք նաև
Փաստաբան Տաթևիկ Սողոյանն, ի թիվս այլնի, նշեց, որ հետաքրքիր զուգադիպությամբ՝ քննիչը փորձել էր դատարանից հենց երեկ հայցել խուզարկության միջնորդություն. «Ժամը չենք կարող հստակ նշել, բայց ինչ-որ մի բան ինձ հուշում է, որ դա տեղի է ունեցել հենց Լևոն Քոչարյանի ելույթից հետո: Սա ինքնին ծանրակշիռ փաստ է՝ քաղաքական հետապնդումը հիմնավորելու»:
National Security Service officers near the residence of MP Levon Kocharyan in Yerevan, Armenia
Նա ասաց, որ դուռը Ռոբերտ Քոչարյան կրտսերն էր բացել ու ասում էր՝ այս ինչ են անում այս մարդիկ այստեղ. Լևոնի կինն էլ փորձում էր փոքրիկին բացատրել, որ հնարավոր է՝ Սպայդերմենն է եկել:
Մանրամասն՝ տեսանյութում
Ամբողջական տեսանյութը
Գոհար ՀԱԿՈԲՅԱՆ
