Հայաստանում քաղաքական իրավիճակը վերջնականապես կայունացել է, առավելապես Երեւանի քաղաքապետի ընտրություններից հետո: Ըստ «Արմինֆո»-ի՝ այդ մասին նախօրեին Մոսկվայում հայտարարել է Հայաստանի վարչապետ Տիգրան Սարգսյանը` հայ գործարարների հետ հանդիպման ընթացքում: «Այն բանից հետո, երբ մենք միջազգային դիտորդների դրական գնահատականն ենք ստացել, իսկ ընդդիմությունը շատ ավելի քիչ ձայներ է ստացել՝ իրավիճակն ուժեղ կայունացել է: Եվ չկա այնպիսի ընդդիմություն, որը պատրաստ է քաղաքական անկայունության բերող ինչ-որ ակտերի դիմել, այդպիսի պոտենցիալ Հայաստանում չկա»,- հավաստիացրել է ՀՀ վարչապետը:

ՀՅԴ-ի այս առաջարկին «Ժառանգությունը» վերաբերվում է դրականորեն

Դեռ ավագանու քարոզարշավի ընթացքում ՀՅԴ համամասնական ցուցակը գլխավորող Արծվիկ Մինասյանն ասպարեզ նետեց ազգային ընդդիմադիր բեւեռի ձեւավորման անհրաժեշտությունը՝ ՀՅԴ-ի, «Ժառանգության» եւ ՀԱԿ-ի կազմում առկա որոշ ուժերի մասնակցությամբ: Հարցին՝ արդյոք ունի՞ այդ ուժերի գոնե նախնական համաձայնությունը կամ դրական վերաբերմունքը նման բեւեռ ձեւավորելու կապակցությամբ՝ Արծվիկ Մինասյանը քարոզարշավի ավարտին «Առավոտին» տված հարցազրույցում պատասխանել էր. «Ո՛չ, չունեմ այդպիսի համաձայնություն իրենցից: Բայց կարծում եմ, որ նրանց ծրագրային ուղղվածությունը, հայտարարված քաղաքականությունը համապատասխանում են այն գծին, որ այսօր անհրաժեշտ է Հայաստանում ձեւավորել ազգային ընդդիմադիր դաշտ: Ի վերջո՝ դա կարող է վերաճել նաեւ ազգային ...

ՕԵԿ խմբակցության ղեկավար Հեղինե Բիշարյանն այսպես է բնութագրում հետընտրական տրամադրությունները «Օրինաց երկրում»:

- Ինչպե՞ս եք գնահատում Երեւանի ավագանու ընտրությունների ընթացքը եւ արդյունքները, կարծես չէիք սպասում այսպիսի վախճանի, ասում էիք, որ ՕԵԿ-ը միշտ էլ հաղթել է եւ այժմ էլ կհաղթի, ուրեմն ինչո՞ւ այսպես եղավ:

- Ընտրություններն ընդհանուր առմամբ անցան հանդարտ մթնոլորտում, չնայած մի քանի գնահատականներ հնչեցնելու անհրաժեշտություն իրոք կա: Այս ընտրությունները հիմնավորապես ապացուցեցին, որ մեր հասարակության հիմնական մասը առաջնորդվում է հինգ կարգախոսներով՝ փող, իշխանություն, վախ, ատելություն եւ անտարբերություն: Փողով քվեարկածների թիվը գերազանցում է բոլոր ցուցանիշները: Առաջ եկավ նաեւ նոր գործոն՝ վախը. այն է՝ ծեծը, սափրագլուխները, ռազբորկաները նախընտրական շրջանում ցույց տվեցին, որ զինված ...

ՀՀԿ խոսնակ, ՀՀԿ խմբակցության քարտուղար Էդուարդ Շարմազանովը վստահեցնում է, որ գործարար անկախ պատգամավորները իրենք են ուզում ներդաշնակ լինել Հանրապետական խմբակցությանը:

- Ըստ որոշ տեղեկությունների, Հանրապետական խմբակցությունը դիմումի ձեւ է բաժանել անկախ գործարար պատգամավորներին՝ պահանջելով կամ խնդրելով, որ վերջիններս ստորագրեն այդ դիմումը, որը փաստելու է, որ տվյալ գործարար պատգամավորներն այսուհետ «ներդաշնակ» են լինելու ՀՀԿ խմբակցության հետ: Դուք կարծես չեք հերքել այս լուրերը:

- Իրականությունն այն է, որ որոշ անկախ պատգամավորներ ցանկություն ունեն համագործակցել Հանրապետական խմբակցության հետ: Դա նորմալ է, եւ երբ ամեն ինչ վերջնական կլինի, պաշտոնապես կիմանաք այդ մասին: Այլ բան չեմ էլ կարող ասել, եւ չեն համապատասխանում ...

Հանրային խորհրդի քաղաքացիական հասարակության հարցերի կայացման հանձնաժողովի նախագահ Հովհաննես Հովհաննիսյանը, երեկ «Հայացք» ակումբում անդրադառնալով խորհրդի՝ նախագահին համաներման մասին առաջարկ ներկայացնելու որոշմանը, մանրամասնեց, որ այն կարող է կիրառվել մի քանի տարբերակով՝ պատժից լրիվ ազատում, պատժաչափի թեթեւացում, պատժի տեսակի փոփոխություն։ Ինչ վերաբերում է մարտի 1-2-ի գործով ձերբակալվածներին, ըստ Հ. Հովհաննիսյանի, հնարավոր է՝ համաներումը միայն նրանց մի մասի վրա տարածվի. «Օրինակ, մարդու մահվան, սպանության հանգեցրած հանցագործության պատճառ կամ կատարող դարձած մարդկանց վրա, իհարկե, չպետք է տարածել։ Բայց այն անչափահասը, որը, օրինակ, մասնակցել է այդ միտինգին եւ մի քիչ էլ ոգեւորված իր էմոցիոնալ զեղումներից՝ անցել է թույլատրելիության սահմանները ու կոտրել է պատուհանի ապակի, կարծում եմ, այս երկու ...

Վերլուծելով Երեւանի ավագանու ընտրությունները՝ ասում է ՀԼԿ նախագահ Հովհաննես Հովհաննիսյանը

- Հետընտրական շրջանում իշխանական ճամբարում տարբեր մեկնաբանություններ տրվեցին, պատճառահետեւանքային կապեր մատնացույց արվեցին՝ ի ցույց դնելու Երեւանի ավագանու ընտրություններում ՀԱԿ-ի պարտությունը: Դուք եզրահանգումներ արե՞լ եք, ի՞նչն էր ՀԱԿ-ի անհաջողության պատճառը:

- Հայ ազգային կոնգրեսը չի պարտվել: Պարտվում են պայքարում, որտեղ կա քաղաքական բեմ, իսկ մայիսի 31-ին Երեւանի ավագանու «ընտրությունները» ընտրություններ չէին, չկային խաղի կանոններ, եւ արձանագրել, որ ՀԱԿ-ն այսքան ձայն է հավաքել, ուստիեւ պարտվել է՝ սխալ է:

- Իսկ ինչո՞ւ Կոնգրեսն ավելի մեծ հաջողությունների չկարողացավ հասնել:

- Իհարկե, մենք կարող էինք մեկամսյա ...

Պնդում է «Ժառանգություն» խմբակցության քարտուղար Լարիսա Ալավերդյանը

Երեկ «Դե ֆակտո» ակումբում գնահատելով փաստահավաք խումբը լուծարելու վերաբերյալ ՀՀ նախագահի կարգադրությունը՝ «Ժառանգություն» խմբակցության քարտուղար Լարիսա Ալավերդյանն ասաց. «Ցավոք, դրա լուծարումը, այն էլ առանց որեւէ ձեւակերպումների՝ վերադարձնում է հասարակությանն անվստահության մի մակարդակի, որն անկախ նրանից՝ ո՜վ դա արեց, ինչպե՜ս արեց՝ բոլորովին չի աշխատում Հայաստանն իրավական պետություն դարձնելու օգտին: Ես դա համարում եմ խոշորագույն շանսի բացթողում»: Նա ապացուցված համարեց, որ խմբի անդամներ Անդրանիկ Քոչարյանը եւ Սեդա Սաֆարյանը մասնագիտորեն են կատարել իրենց աշխատանքը՝ մինչեւ Վահե Ստեփանյանի արձակուրդ գնալը: Եվ ըստ նրա՝ նրանք գործել են հակառակ սպասելիքների, թե այն կդառնա «հերթական իմիտացիոն» մի ...

Մի շարք բարձրաստիճան պաշտոնյաներ գյուղացիներից խլել են տարածքները եւ ձեւակերպել աներոջ, զոքանչի ու աներձագի անուններով:

Մինչ աշխարհի զարգացած երկրներում հսկայական միջոցներ են ծախսվում անտառների պահպանության եւ վերականգնման համար, Հայաստանում շարունակվում է կանաչ տարածքների անխնա ոչնչացումն ու յուրացումը: Հերթական ահազանգն «Առավոտը» ստացավ ՀՀ կանաչների միությունից եւ Արմավիրի մարզի Նորավան գյուղի բնակիչներից: Այցելելով Նորավան՝ պարզեցինք հետեւյալը. դեռեւս 1993թ. «Հայանտառ» ՓԲԸ «Արմավիրի տնկադաշտային անտառտնտեսություն» դուստր ՓԲԸ-ի եւ Նորավանի գյուղացիների միջեւ կնքված վարձակալության պայմանագրի համաձայն, 216 հա անտառածածկ տարածքը հանձնվել է վերջիններիս խնամքին: Հետագա 15 տարիների ընթացքում գյուղացիներն իրենց միջոցներով մելիորացրել են տարածքը, մուծել բոլոր հարկերն ու ...

Վերջին շաբաթվա ընթացքում H1N1 գրիպով հիվանդացողների թիվը մի քանի անգամ աճել է: Այս վիրուսով վարակվածների կտրուկ աճը կարող է հասցնել պանդեմիայի հայտարարման։ Այդ մասին հայտնել է Առողջապահության համաշխարհային կազմակերպությունը (ԱՀԿ)։ Ըստ մասնագետների, եթե ԱՀԿ-ն այդպիսի որոշում ընդունի, դա կլինի 21-րդ դարի համաճարակը, եւ վերջին 40 տարիների առաջին պանդեմիան։

Համաձայն ԱՀԿ-ի հրապարակած տվյալների, աշխարհում H1N1 վիրուսով հարուցված գրիպի համաճարակային իրավիճակը շարունակում է մնալ լարված: Արդեն 73 երկիր պաշտոնական հաղորդագրություն է ներկայացրել մարդկանց շրջանում H1N1 վիրուսով հարուցված գրիպի 25 հազար 288 դեպքի մասին: 139 մարդ այս վիրուսից մահացել է: ԱՄՆ-ում հունիսի 8-ի դրությամբ գրանցվել է 13 հազար 217 դեպք, որից 27 մարդ մահացել է: Մեքսիկայում մահացել է 106 մարդ, իսկ 5 հազար 717 մարդ էլ վիրուսակիր է: Լաբորատոր հաստատված դեպքեր են ...

Երեկ առավոտյան Տերյան-Սայաթ-Նովա փողոցների հատման մասում, Կենտրոն թաղապետարանի անմիջապես հարեւանությամբ հերթական կանաչ տարածքն էր ոչնչացվում: Հաշված րոպեների ընթացքում էլեկտրական սղոցով գետնին տապալվեցին հսկայական առողջ, սաղարթախիտ ծառեր: Տարածքի սեփականատերը, նախքան ծառերի հատումը, տարածքը պաստառապատել էր ու կառուցապատում էր սկսել: Այդ առնչությամբ «Առավոտը» քաղաքապետարանի բնապահպանության վարչության պետ Ավետ Մարտիրոսյանից հետաքրքրվեց, տեղյա՞կ են, արդյոք, որ Երեւանի կենտրոնում հսկայական ծառեր են հատվում, այն դեպքում, երբ նորընտիր քաղաքապետ Գագիկ Բեգլարյանը հայտարարել է, որ այսուհետեւ որեւէ ծառ չի հատվելու:

Պարոն Մարտիրոսյանը հայտնեց, որ իրենք այդ հասցեում ծառեր հատելու թույլտվություն չեն տվել: Ավելի ուշ մեզ զանգեց ...

«Մխիթար Սեբաստացի» կրթահամալիրում պատրաստվում են ամառային կրթության

Ամառային մարզահագուստ, «թիթիզ» սանրվածքների ցուցադրություն, կրտսեր դպրոց-պարտեզների սաների լողափային ցուցադրություն. այս ամենը հուշում է այն մասին, որ օրերս «Մխիթար Սեբաստացի» կրթահամալիրում հայտարարվել էր մարզական օր: Այդ օրը կրթահամալիրում տեղի ունեցավ նաեւ ԱՄՆ-ի՝ «Հայաստանի զարգացման ծառայություններ» բարեգործական կազմակերպության աջակցությամբ հիմնանորոգված մեծ եւ փոքր մարզադահլիճների ցուցադրությունը: Կրթահամալիրի բոլոր դպրոցների եւ վարժարանների երեխաները միջոցառման ընթացքում ցուցադրում էին այն, ինչ սովորել են ողջ տարվա ընթացքում՝ կապված սպորտի եւ առողջ ապրելակերպի հետ: Երեխաների՝ «Էրեբունի Երեւան» երգի կատարումից ...

Թեստերի բարդությունից դժգոհ ծնողները այլ ելք չեն տեսնում, քան իրենց երեխաներին ծնվելու պահից դասախոսի մոտ պարապելու տալը, որպեսզի նրանք հասցնեն յուրացնել նման խառնիճաղանջ ու բարդ առաջադրանքները:

Ինչ սկսվել են ընդունելության քննությունները կամ, ինչպես հիմա ենք կոչում՝ միասնական պետական քննությունները, «Առավոտի» կրթական բաժնում չեն դադարում քննական պրոցեսից դժգոհ ծնողների, կրկնուսույցների եւ շրջանավարտների հեռախոսազանգերն ու այցելությունները: Մարդկանց դժգոհությունները տարբեր բնույթի են, հաճախ փաստարկված, հաճախ՝ ոչ այնքան, իսկ երբեմն էլ՝ ուղղակի անհեթեթ: Սակայն մեր երկրում առաջին հայացքից անհեթեթ թվացող բաներն այնքան հաճախ են հաստատվում, որ չենք զարմանա, եթե ակնհայտ կամ «կլյաուզա» թվացող որեւէ պնդում վերջում պարզվի, որ իրական ահազանգ էր:

Այ, օրինակ, երեկ «Առավոտի» ...

Այսօր ԵՊՀ-ում կմեկնարկի «Սոցիոլոգիան՝ խաչմերուկներում» խորագրով Սոցիոլոգիայի միջազգային ինստիտուտի 39-րդ համաշխարհային կոնգրեսը: Երեկ ԵՊՀ պրոֆեսոր Լյուդմիլա Հարությունյանը եւ Առաջատար ուսումնասիրությունների շվեդական կոլեգիումի եւ սոցիոլոգիայի միջազգային ինստիտուտի նախագահ Բյորն Վիտրոկը ներկայացրին, թե կոնգրեսի աշխատանքները ինչ հիմնական ուղղություններով են ընթանալու: Մասնավորապես, կքննարկվեն մարդկության առաջ ծառացած երկընտրանքների, գլոբալ ճգնաժամի եւ դրա հետեւանքների հաղթահարման, հասարակությանը, անձին եւ պետությանը ուղղված միտումների, հետխորհրդային երկրների մոդեռնացման գործող մոդելների հետ կապված հարցեր: Իսկ ԵՊՀ ռեկտոր Արամ Սիմոնյանը, ողջունելով հյուրերին, նշեց, որ երբ մեկ տարի առաջ հայտ էին ներկայացնում, չէր հավատում, որ կհաջողվի այն շահել եւ կոնգրեսն անցկացնել Հայաստանում: Կոնգրեսին ...

Այս կարծիքին է ՀԹԳՄ նախագահ Հակոբ Ղազանչյանը

Հայաստանի թատերական գործիչների միության (ՀԹԳՄ) նախագահ Հակոբ Ղազանչյանը ներկայումս աշխատում է երկու ներկայացման վրա. մեկը Հ. Պարոնյանի անվան թատրոնում՝ ըստ Բ. Բրեխտի, մյուսը ռուս արտիստների հետ՝ Չեխովի միջազգային փառատոնի պատվերով: Հ. Ղազանչյանն ասում է, որ 2010թ. Մոսկվայում տեղի է ունենալու Չեխովի անվան միջազգային թատերական արտահերթ փառատոն՝ նվիրված գրողի ծննդյան 150-ամյակին, չեխովյան ներկայացումն այդ առիթով է արվում: Պրեմիերան կկայանա Հայաստանում, բայց ներկայացումը կխաղացվի Մոսկվայում:

Մեր զրուցակիցը նշեց, որ ստեղծագործական պրոցեսը հաճելի է, բայց իր պարագայում նաեւ դժվար. «Որովհետեւ, երբ դու միության նախագահ ես՝ քայլող թիրախ ես: Նախագահը ապահովագրված չէ տարբեր կողմերից եկող հարվածներից: Բայց ի՞նչ արած, այդ կյանքին էլ պետք է սովորես... Մի ...

Բեմանկարիչ Նելլի Բարսեղյանը նպատակ ունի հայաստանյան բեմանկարչությունը ներկայացնել դրսում

Հայ բեմանկարչությունը հարուստ ավանդույթներ ունի: Դրա վկայությունն են Մարտիրոս Սարյանի, Մինասի, Գեորգի Յակուլովի, Արա Սարգսյանի, Սարգիս Արուտչյանի, Սիմոն Ալաջալովի եւ մյուս անվանիների ժամանակին արված ներկայացումների նկարչական ձեւավորումները: Ցավոք, մեր բեմանկարչական դպրոցը մինչ օրս ներփակվել է ազգային շրջանակներում, երբեւէ չներկայացվելով միջազգային ցուցադրություններում: Նույնիսկ վաղամեռիկ Եվգենի Սոֆրոնովի նման անհատականության անունը, որը երկար տարիներ հանդիսանում էր Մայր թատրոնի գլխավոր նկարիչը, այդպես էլ չհնչեց արտերկրում: «Առավոտի» տեղեկություններով, հայ բեմանկարչությանը դրսում ծանոթ են չեխիաբնակ Էդվարդ Եդիգարյանի միջոցով, ...

Հայաստանի ազգային կինոկենտրոնը առաջին անգամ առանձին տաղավարով մասնակցել է մայիսի 12-22-ը Կաննի միջազգային կինոփառատոնի շրջանակներում կայացած կինոշուկային: Երեկ «Երեւան» հյուրանոցում կինոկենտրոնի տնօրեն Գեւորգ Գեւորգյանը եւ «Պարալլելս ֆիլմպրոդաքշն» ընկերության տնօրեն Հովհաննես Գալստյանը լրագրողներին պատմեցին ձեռք բերված պայմանավորվածությունների մասին: Գ. Գեւորգյանը նշեց. «Եթե աշխարհում ֆիլմարտադրողներն իրենց արտադրանքը վաճառում են հեռուստաընկերություններին, ապա Հայաստանում հեռուստատեսությունների ներկայացուցիչները ասում են՝ մի բան էլ դուք պիտի վճարեք: Որտե՞ղ պետք է ցույց տանք ֆիլմերը: «Մոսկվա» կինոթատրոնում մի շաբաթ ցուցադրում ենք ֆիլմերը, պարզվում է՝ մարդ չի գնում: Սա շատ ցավոտ հարց է: Ազգային կինոկենտրոնի նկարահանած բոլոր ֆիլմերը հիմնականում համատեղ արտադրություններ են, այդ ...

Երբ որդին՝ ծանրամարտի Եվրոպայի չեմպիոն Առաքել Միրզոյանը, ՀԱՕԿ-ի նախագահից «Նիվա» մակնիշի ավտոմեքենայի բանալին էր ստանում, օլիմպիական չեմպիոն Հոկսեն Միրզոյանը հուզված էր: Այդուհանդերձ, հետո նա պատասխանեց «Առավոտի» հարցերին:

Առաքել Միրզոյանը՝ չեմպիոնի պատվանդանին:

- Քո մարզական կարիերայի ընթացքում ինքդ բազմաթիվ պարգեւներ ես ստացել, բայց այսօր, կարծես, ավելի շատ էիր հուզված:

- Դժվար է խոսքերով արտահայտել այն զգացումները, ինչ կարող է նման դեպքերում ունենալ հայրը: Իրոք, շատ եմ հուզված:

- Հունիսի 15-ին որդուդ հետ մեկնում եք Ռումինիա, որտեղ Առաքելը մասնակցելու է աշխարհի 35-րդ երիտասարդական առաջնությանը: Նա պատրա՞ստ է զարգացնել հաջողությունը:

- Եվրոպայի չեմպիոն դառնալու օրը ես նրան ասացի, որ ...

Երեկ հայ ընթերցողի դատին է ներկայացվել արձակագիր, լրագրող, թարգմանիչ Սուրեն Հայրապետյանի պատմվածքների եւ նովելների նոր ժողովածուն: «Բարու աչքերով» գրքում տեղ է գտել նրա վերջին տասը տարվա շուրջ 160 ստեղծագործություն: Հեղինակի խոսքով, այս ժողովածուն նրա՝ բնության մասին պատմող երրորդ գիրքն է եւ հարուստ է բնության զարմանալի տեսարաններ ներկայացնող իր իսկ կատարած լուսանկարներով, իսկ ստեղծագործությունները ներշնչված են հայրենասիրական գաղափարներով:

«Այս ստեղծագործություններով փորձել եմ հանրության ուշադրությունն ու խնամքը սեւեռել բնության վրա եւ ոչ միայն ներկայացրել եմ բնության նկատմամբ տածած զգացումներս, այլեւ թափանցել կենդանական աշխարհի մեջ՝ երբեմն կենդանիներին հարցազրույցի հրավիրելով»,- ասաց Ս. Հայրապետյանը:

Ավ. ...

Հաճախ ենք ականատես լինում, թե ինչպես է բռնցքամարտիկը ռինգում ստացած հարվածներից գիտակցությունը կորցրած՝ տապալվում հատակին: Նման դաժան տեսարաններից հետո նույնիսկ հաղթող մարզիկին երկրպագող մարզասերներն անտարբեր չեն կարողանում նայել պարտվողին՝ կարեկցում են: Դեմքին ու գլխին այդքան հարվածներ ընդունելը մի՞թե անհետեւանք է մնում:

«Արդյոք բռնցքամարտը մարդու առողջությանը վնաս չէ՞»: Այս հարցը միշտ եղել ու մնում է օրակարգում: Առավելագույնս ճիշտ պատասխան ստանալու նպատակով բժիշկ գիտնականները որոշել են այդ հարցով դիմել հենց բռնցքամարտիկներին: Եվ ահա թե ինչ է ստացվել դրանից:

Հարցման ենթարկված կաշվե ձեռնոցի վարպետների 10%-ը պատասխանել է, որ վտանգավոր է, 40%-ը հարցը չի հասկացել, իսկ 50%-ը հարցը հասկացել է, բայց պատասխանել չի կարողացել: ...

Հունահռոմեական եւ ազատ ըմբշամարտի Հայաստանի ազգային եւ տարբեր տարիքային խմբերի հավաքականների համար սկսվում են մարզումների եւ մրցումների մասնակցելու հագեցած ժամանակները:

Մասնավորապես, մեր երկու ազգային հավաքականների երկրորդ համարները օրերս են վերադարձել Թբիլիսիից: Նրանք մասնակցում էին օլիմպիական չեմպիոններ Գեորգի Բալավիձեի եւ Վախթանգ Կարտոզիայի անվան միջազգային մրցաշարին, որտեղ հանդես են եկել նաեւ Ուկրաինայի, Ֆրանսիայի, Հնդկաստանի եւ Ադրբեջանի ներկայացուցիչները (նույնպես հիմնականում պահեստային ըմբիշներ):

Հունահռոմեական ոճի մեր տղաներից հինգը՝ 60 կգ քաշային Արմեն Անտոնյանը, Վահրամ Խաչատրյանը՝ 66 կգ, Վարշամ Բորանյանը՝ 74 կգ, Արթուր Շահինյանը՝ 84 կգ եւ Արման Գեղամյանը՝ 96 կգ, հասել են մինչեւ եզրափակիչ, սակայն նրանցից ոչ մեկին չի հաջողվել բարձրանալ պատվանդանի առաջին աստիճանին: ...

ԽՈՅ (21.03-20.04)- Անձնական հարցեր կարգավորելու համար օրը բարենպաստ չէ:

ՑՈՒԼ (21.04-21.05)- Ֆինանսական անհաջողություններ կունենաք, աշխատեք՝ չհուսահատվել:

ԵՐԿՎՈՐՅԱԿ (22.05-21.06)- Հետեւեք ձեր արտաքինին: Զբաղվեք սպորտով:

ԽԵՑԳԵՏԻՆ (22.06-22.07)- Օրը հարմար չէ լուրջ որոշումներ կայացնելու համար:

ԱՌՅՈՒԾ (23.07-23.08)- Այսօր հարազատները կաջակցեն ձեզ՝ նոր գործեր սկսելու հարցում:

ԿՈՒՅՍ (24.08-23.09)- Զուգընկերոջը գոհացնելու համար ընդունեք նրա հրավերը:

ԿՇԵՌՔ (24.09-23.10)- Աշխատեք զերծ մնալ գործընկերների հետ վիճաբանություններից:

ԿԱՐԻՃ (24.10-22.11)- Սիրելիի հետ հանդիպումը հաճելի պահեր կպարգեւի ձեզ:

ԱՂԵՂՆԱՎՈՐ (23.11-21.12)- Խուսափեք ավելորդ ծանրաբեռնվածությունից:

ԱՅԾԵՂՋՅՈՒՐ (22.12-20.01)- Եթե խորհրդի կարիք ունեք, դիմեք հարազատներին:

ՋՐՀՈՍ (21.01-19.02)- Այսօր կարող եք ...

Երկրաբանները ահազանգում են, որ Ալավերդիում, լալվարիտի հանքի սխալ շահագործման հետեւանքով, քաղաքին վտանգ է սպառնում:

Մեր երկրի ընդերքը խորհրդային կարգերի փլուզումից հետո, այսպես ասած, մաս-մաս է արվել եւ ով ինչպես կարողացել՝ հանքերը շահագործել է՝ առանց հատուկ թույլտվության եւ անվտանգության կանոնները պահպանելու: Հանքարդյունաբերությունը բավականին եկամտաբեր բիզնես է, եւ ոլորտի պատասխանատուները, անշուշտ, պատահական մեկին հանք շահագործելու լիցենզիա չեն տա:

Օրերս «Առավոտին» էին դիմել Ալավերդու մի խումբ բնակիչներ ու նաեւ երկրաբաններ, որոնք ահազանգում են Լոռու մարզի Ալավերդի քաղաքի հարեւանությամբ գտնվող լալվարիտ քարի հանքի, ինչպես իրենք են նշում՝ «գիշատիչ» ձեւով շահագործման մասին: Հանքը շահագործվում է պայթեցման եղանակով, ինչն այս պարագայում անթույլատրելի է, քանի որ, բացի այն, որ ...

Հայաստանի նախկին վարչապետ, Հայ ազգային կոնգրեսի անդամ Հրանտ Բագրատյանը մի քանի օր առաջ «Առավոտի» հետ զրույցում տեղեկացրել էր, որ մասսայաբար ՀԱԿ-ի գրասենյակ են դիմում մարդիկ, որոնք տեղեկացնում են, որ այս կամ այն հիմնարկում աշխատավարձերը չեն վճարում: Ըստ Հ. Բագրատյանի, այդ մարդիկ իրենց տեղեկացրել են, որ ամեն ամիս ստորագրում են փաստաթղթի տակ՝ իբր ստացել են աշխատավարձը, բայց իրականում ոչ մի կոպեկ չեն ստանում:

Պարոն Բագրատյանն ասաց նաեւ, որ դժգոհությունները հիմնականում առնչվում են առողջապահության եւ կրթության ոլորտներին: «Առավոտը» փորձեց առողջապահության եւ կրթության ու գիտության նախարարություններից ճշտել, թե իսկապե՞ս այդ ոլորտներում աշխատավարձերի վճարման հետ կապված խնդիրներ կան: Առողջապահության նախարարի խորհրդական Ռուսլանա Գեւորգյանն այս առնչությամբ պարզաբանեց. «Նախարարության ...

Օրերս Հայաստանի արտաքին պարտքն անցավ $1,5 մլրդի սահմանագիծը, եւ մոտակա մի քանի տարիների ընթացքում, արտաքին առեւտրի հաշվեկշռի բացասական մնացորդի հետագա աճի դեպքում, այս ցուցանիշը կրիտիկական կարող է դառնալ երկրի տնտեսության համար: Այս կարծիքին է Ռուսաստանի ԳԱ ակադեմիկոս, տնտեսագետ Աբել Աղանբեկյանը: «Արմինֆոյի» տեղեկացմամբ, ակադեմիկոսը նշել է, որ Հայաստանը սննդամթերքով ինքն իրեն ապահովում է 55%-ով, իսկ սննդամթերքի մնացած 45%-ը ներմուծվում է արտասահմանից, ինչը խոսում է երկրի գյուղատնտեսության ոլորտի ցածր արտադրողականության մասին:

Նրա խոսքերով. «Այժմ Հայաստանի պարտքերը կատաստրոֆիկ ձեւով աճում են եւ անհրաժեշտ է մտածել սննդամթերքի ներմուծման ծավալների կրճատման մասին` տեղական արտադրության աճի հաշվին»: Տնտեսագետը նշել է նաեւ, որ տաք ...

Արդեն մեկ ամիս է՝ ամեն օր, օրվա տարբեր ժամերին Քանաքեռ-Զեյթուն համայնքի Ազատության պողոտայի 2, 4 եւ 6 շենքերը հոսանքազրկվում են: Բնակիչների հավաստմամբ, սովորաբար հոսանքն անջատվում է առանց նախազգուշացման: Նրանց խոսքերով, հոսանքի անակնկալ անջատումների պատճառով իրենք տհաճ իրավիճակի մեջ են հայտնվում: Անգամ եղել են դեպքեր, երբ մարդիկ 1 ժամից ավելի մնացել են վերելակի մեջ՝ մինչեւ հոսանքի միանալը:

Այս առնչությամբ «Հայէլցանցերի» Հյուսիս մասնաճյուղի օպերատիվ ծառայության պետ Սերգեյ Կբիլյանն «Առավոտին» պարզաբանեց, որ Զեյթուն եւ Մոնումենտ թաղամասերը սպասարկող «Կիրզա» ենթակայանում մոտ 1-1,5 ամիս է՝ նոր սարքավորումներ են տեղադրվում, որի ժամանակ հոսանքը անջատում են. «Սակայն սա ժամանակավոր բնույթ է կրում: 1,5 ամսից նորից են նման աշխատանքներ տարվելու, մինչեւ այդ ենթակայանը կարգի գա: Բնակչությանն էլ ...

Վերջին 1 ամսվա ընթացքում հանրապետությունում 1 լիտր բենզինը թանկացել է 40-ից 50 դրամով: Մասնավորապես, «պրեմիում» տեսակի բենզինը, նախկին 300-310 դրամի փոխարեն, վաճառվում է 350 դրամով, «ռեգուլյար» տեսակի բենզինը 290-ի փոխարեն՝ 330 դրամով, իսկ «սուպերը»՝ 330-340 դրամի փոխարեն, բենզալցակայաններում վաճառվում է 380 դրամով: Նշենք, որ բենզինը 20-30 դրամով սկսեց թանկանալ դեռեւս նախորդ ամսվա կեսերից՝ կապված դոլարի արժեւորման եւ միջազգային շուկայում նավթի գնաճի հետ:

Թե որքանով է համարժեք բենզինի գնի բարձրացումը միջազգային շուկայի գների բարձրացմանը, «Առավոտը» փորձեց պարզել Տնտեսական մրցակցության պաշտպանության պետական հանձնաժողովից: Հանձնաժողովի մամուլի քարտուղար Արմինե Ուդումյանը պարզաբանեց, որ ներկայումս հարցը ուսումնասիրվում է ...

Միակ ականատեսի վկայությունը

Երեկ Կենտրոն եւ Նորք-Մարաշ համայնքների ընդհանուր իրավասության դատարանում (նախագահող՝ Մնացական Մարտիրոսյան) շարունակվեց «Հետք» էլեկտրոնային թերթի գլխավոր խմբագիր, «Հետաքննող լրագրողների ընկերակցություն» կազմակերպության նախագահ Էդիկ Բաղդասարյանի նկատմամբ անցյալ տարվա նոյեմբերի 18-ի երեկոյան բռնարարք կատարելու գործով դատաքննությունը: Հիշեցնենք, որ 19-ամյա ամբաստանյալ Կարեն Հարությունյանը իրեն մեղավոր չի ճանաչել: Երեկ վկայություն տվեց ոստիկանության ուսումնական կենտրոնի աշխատակից, դեպքի միակ ականատես Նորայր Ավետիսյանը: Նա միջազգային կարգի սպորտի վարպետ է, կարատեիստ, աշխարհի քառակի չեմպիոն: Վերջինս ասաց, որ երբ իր ...

Կարինե Հարությունյանը 1978թ. ամուսնացել է Գեւորգ Թարվերդյանի հետ, բնակվել ամուսնու հայրական՝ Արարատի մարզի Նոր Խարբերդ գյուղի Մորենիկի փողոցի թիվ 8 տանը:

1983թ. ծնվել է նրանց որդին՝ Սուրենը: Նա մանկուց հաշմանդամ է եւ 9 տարեկանում զրկվելով հորից, մոր հետ բնակվել է վերոնշյալ տանը: «Առավոտին» Կ. Հարությունյանը պատմեց, որ 1991թ.՝ սկեսրայրի մահից հետո, նրա երկրորդ կինը՝ Վ. Մարտիրոսյանը (որը ժառանգ չունի) տան 1/2-րդ մասի նկատմամբ ընդունել է իր հասանելիք ժառանգությունը, սակայն Մասիսի նոտարական արխիվից անհետացել է թիվ 2-155 գործը:

Ըստ Կ. Հարությունյանի, հետագայում, մի շարք անօրինական գործարքներից հետո, անշարժ գույքն անցել է ամուսնու քրոջ աղջկա տնօրինությանը. «Ամուսնուս քույրը՝ Հ. Թարվերդյանը, ամուսնուս մահվան 40 օրը չլրացած, օգտվելով իմ ...

Նոր Նորքի 9-րդ միկրոշրջանի 25 շենքի բնակչուհի Վերա Շչուկինան երեկ հայցադիմում ներկայացրեց ՀՀ վարչական դատարան: Վ. Շչուկինան տեղեկացնում է, որ 2004թ. Ֆանարջյանի անվան ուռուցքաբանության կենտրոնում անցել է ազոտով բուժման կուրս (կրիոթերապիա): Սակայն ինչպես «Առավոտին» տիկին Վերան պատմեց, իր առողջական վիճակը կտրուկ վատացել է, եւ բժիշկներն ասել էին, թե վիճակն անհույս է, թեեւ վիրահատության էին պատրաստում նրան: Քանի որ հարազատներ չունի, տիկին Վերան հարեւաններից մի քանիսի մոտ հայտնում է, որ իր վիճակը վատ է, հնարավոր է մահանա, եւ եթե իր հետ որեւէ բան պատահի, այդ ընթացքում իրեն հիվանդանոցում տիրություն անի մեկը՝ նա իր տունը կկտակի նրան:

Դիմացի շենքի հարեւաններից Հայաստան Շահնազարյանը սկսում է այցելել տիկին Վերային:

Վիրահատում են Շչուկինայի երկու ոտքերը: Պարզվում է, որ ուռուցքը չարորակ չէ: «3000 դոլար գումար ...

Սյունիքի 4-րդ աստիճանի վթարային հարյուր տներում շարունակում են բնակիչներ ապրել

Վերջին երկու ամիսների ընթացքում Սյունիքում՝ սողանքների արդյունքում, փլուզումներ եղան: Ապրիլի 18-ին՝ Կապան-Գորիս ճանապարհի մի հատվածում, ապրիլի 22-ին՝ Կավճուտ գյուղում, Մայիսի առաջին տասնօրյակում՝ Քարահունջ գյուղում երկու դեպք: Սողանքները Սյունիքում դարձել են պատուհաս: Պարզվում է, այս մարզում խնդիրը 40 տարվա պատմություն ունի:

Սյունիքի մարզում 70-ականների կեսերից սողանքային երեւույթներ են ի հայտ եկել: Կատարված ուսումնասիրությունների արդյունքում սողանքային գոտիներ են հայտնաբերվել Սիսիանի տարածաշրջանի Շաղատ, Բալաք գյուղական համայնքներում, Գորիսի տարածաշրջանի Քարահունջ գյուղում: Իսկ Կապանի տարածաշրջանում սողանքային երեւույթներ են նկատվել ...

Կինոն վերադառնում է Արմավիր, սակայն քաղաքի միակ կինոթատրոնը դեռ հացի փուռ է

Արմավիրցիներն իրենց սիրելի եւ միակ «Արարատ» կինոթատրոնում վերջին անգամ 1989 թվականին են կինո դիտել՝ հնդկական «Դիսկո պարողը»: Դրանից հետո կինոթատրոնի դռները փակվել են ու մեկ էլ բացվել չորս տարի անց, բայց արդեն ոչ թե որպես մշակութային հաստատություն, այլ՝ հացի փուռ:

Երբ «Արարատի» տնօրեն Ռաֆիկ Գասպարյանը՝ ԱԺ պատգամավոր Ռուստամ Գասպարյանի հայրը, 1992 թվականին շենքը սեփականաշնորհեց ու վերածեց փուռի, ոչ նախկին տնօրենի, ոչ էլ քաղաքի այն տարիների ղեկավարության մտքներով չանցավ, որ բնակիչներին զրկում են մեծ էկրանից կինո դիտելու եզակի հնարավորությունից:

Իսկ երբ 20 տարի անց՝ 2009 թվականի հունիսի 8-ին, քաղաքի մշակույթի պալատի մոտ ֆիլմի ազդագիր հայտնվեց՝ ...

Սեպտեմբերից Սյունիքի մարզում կգործի երեք ավագ դպրոց: 2009-2010 ուսումնական տարում ավագ դպրոցի կարգավիճակ կունենան Կապանի թիվ 9 կրթօջախը, Գորիսի եւ Կապանի վարժարանները: Սյունիքի մարզպետարանի կրթության, մշակույթի եւ սպորտի վարչության պետ Լյուդվիգ Հարությունյանից տեղեկացանք, որ նշված ուստարում Սիսիանի եւ Մեղրու տարածաշրջաններում ավագ դպրոցներ չեն լինի, իսկ այս երեք ավագ դպրոցներից յուրաքանչյուրում կսովորի մոտ 170 աշակերտ:

Կառավարության որոշմամբ, ավագ դպրոց պետք է դառնար Կապանի թիվ 3 դպրոցը, սակայն այսօր այն հիմնանորոգվում է դպրոցի շրջանավարտ, բարերար Սերգեյ Համբարձումյանի հովանավորությամբ եւ կա նպատակ դպրոցը դարձնել ռուսական ուղղվածության եւ եվրոպական չափանիշներին համապատասխան կրթօջախ, ուստի մարզպետարանի առաջարկով թիվ 9 դպրոցն է ընտրվել:

Ըստ Լյուդվիգ Հարությունյանի, ավագ դպրոցների ստեղծման հետ ...

Նոյեմբերյան քաղաքի կենտրոնական՝ Երեւանյան փողոցի առեւտրի կրպակների տերերը բողոքել էին Նոյեմբերյանի քաղաքապետարան, որ շրջիկ մեքենաներով բանջարեղեն վաճառողները, կայանելով խանութների առաջ, խանգարում են իրենց առեւտրին: Վերջիններս հարկեր չեն մուծում, բանջարեղենն ավելի էժան են վաճառում: Այլ խոսքով՝ ակնհայտ առավելություններ ունեն:

Ինչպես հայտնեց Նոյեմբերյանի քաղաքապետարանի առեւտրի եւ տրանսպորտի բաժնի պետ Արմեն Մելիքյանը, Նոյեմբերյանի քաղաքապետ Վանուշ Ամիրաղյանը, ընդունելով բողոքավորներին, խոստացել է ավտոմեքենաներով բանջարեղեն վաճառողների համար քաղաքում հատուկ տարածք հատկացնել՝ քաղաքային զբոսայգու վերեւի հատվածում: Ընդ որում՝ մեքենաներով բանջարեղեն վաճառողներն էլ դրա համար պետք է վճարեն սահմանված տեղական տուրք: Քաղաքապետը նաեւ պայման է դրել, որ կենտրոնական փողոցի կրպակներում առեւտուր ...

ԱՄՆ Իլինոյս նահանգի նախկին նահանգապետը կմասնակցի թատերական ներկայացման, որը հենց նրան է ծաղրում: Կոմիկական մյուզիքլը, որն արդեն մի քանի ամիս բեմի վրա է, կոչվում է «Ռոդ Բլագոեւիչը՝ սուպերաստղ»: Նախկին նահանգապետի ներկայացուցիչը չի անդրադարձել Բլագոեւիչի հոնորարին, բայց հայտնել է, որ փողերը փոխանցվելու են քաղցկեղով հիվանդներին օգնելու համար: Հունվարին Իլինոյսի օրենսդիրները պաշտոնանկ են արել Բլագոեւիչին, քանի որ հիմնավոր են համարել նրա հասցեին կոռուպցիայի մեղադրանքները: Քաղաքական գործչի շուրջ սկանդալը մեծ արձագանք է գտել, եւ հիմա նախկին նահանգապետը, որը պետք է կանգնի դատարանի առջեւ, հասարակության առաջ երեւալու առիթը բաց չի թողնում: Օրինակ, մարտին նա մասնակցել է Չիկագոյի ռադիոկայաններից մեկի մի հաղորդման, որտեղ հրավիրված էին նաեւ ...

Ուզբեկստանի Ֆերգանայի շրջանում, Ղրղըզստանի սահմանի երկայնքով, կառուցվելու է 7 մետր բարձրությամբ բետոնե պատ: Ըստ տեղացի բնակիչների՝ այդ կառույցի շինարարությունը սկսվել է ավելի քան մեկ ամիս առաջ: Պատի շինարարությունն իրականացվում է դատապարտյալների ուժերով: Ավելի վաղ նույն երկրի Անդիջանի մարզում, որը նույնպես սահմանակից է Ղրղըզստանի հետ, սկսել են խրամատներ փորել: Ըստ որոշ տեղեկությունների՝ 3 մետր խորությամբ եւ լայնքով այդ խրամատները փորվելու են Անդիջանի մարզի եւ Ղրղըզստանի սահմանի ողջ երկայնքով: Ղրղըզստանի սահմանապահները դժգոհ են հարեւանների նման գործողություններից, նշելով, որ երկու երկրների միջեւ համաձայնագրերը թույլ չեն տալիս նման շինարարություն կատարել՝ առանց հարեւանների հետ համաձայնեցնելու: Մայիսի վերջին Անդիջանի մարզի սահմանամերձ շրջաններում ուժայինների եւ անհայտ ծայրահեղականների միջեւ տեղի են ...

Բռնցքամարտի աշխարհի նախկին չեմպիոն Մայք Թայսոնն ամուսնացել է երրորդ անգամ՝ իր 4-ամյա աղջկա մահվանից ընդամենը 2 շաբաթ անց: Ամուսնության արարողությունը տեղի է ունեցել Լաս Վեգասի «Հիլթոն» հյուրանոցում՝ շաբաթ օրը: Միջոցառումը, որին ներկա էին ընդամենը մի քանի հոգի, տեւել է շատ կարճ: Ըստ վկաների՝ Թայսոնը երջանիկ էր երեւում: 42-ամյա սպորտային աստղի կինը դարձավ 32-ամյա Լակիխա Սփայսերը:

Ավելի վաղ բռնցքամարտիկն արդեն ամուսնացած է եղել երկու անգամ: 1988 թվականին նրա կինն է դարձել դերասանուհի Ռոբին Գիվենսը, որի հետ նրա ամուսնությունը տեւել էր ընդամենը մեկ տարի, որից հետո կինը ապահարզան էր պահանջել՝ հայտարարելով, որ վախենում է Թայսոնից: 1997 թվականին բռնցքամարտիկն ամուսնացավ Մոնիկա Թյորների հետ, այս ամուսնությունը տեւեց հինգ տարի: Այս տարվա ...

Այն նահանգապետերը, որոնք չեն կարողանա ինքնուրույն պայքարել գործազրկության եւ աշխատավարձերի ուշացման դեմ, ազատվելու են աշխատանքից: Այդ մասին երեկվա խորհրդակցության ժամանակ հայտարարել է ՌԴ նախագահ Մեդվեդեւը: «Անընդունելի է, երբ խնդիրների լուծումը պահանջում են Մոսկվայից եկած ղեկավարներից»,- նշել է Ռուսաստանի ղեկավարը: Բացի այդ, Մեդվեդեւը հանձնարարել է Հարավային շրջանի լիազոր-ներկայացուցչին՝ ստուգել տեղեկատվությունն այն մասին, որ օլիմպիական օբյեկտների շինարարության համար մրցույթների ժամանակ ոտնահարվում են ռուսաստանյան ընկերությունների շահերը: Հունիսի 9-ին ՌԴ վարչապետ Վլադիմիր Պուտինը հայտարարել է, որ գործազրկության գագաթնակետն անցած է, եւ գործազուրկների թիվը սկսել է աստիճանաբար նվազել: Պուտինի տվյալներով, մայիսի վերջին ՌԴ-ում ...

Ճապոնիայի Իսակավա շրջանի բնակիչները վերջերս ականատես դարձան մի հետաքրքիր երեւույթի՝ շերեփուկների «անձրեւի»: Բնակիչների վկայությամբ, այս «անձրեւը» նկատվել էր մի քանի շրջաններում եւ ուղեկցվում էր տարօրինակ ձայներով: Գիտնականներն առայժմ չեն կարող նշել այդ տարօրինակ երեւույթի պատճառը: Ենթադրություններ կան, որ շերեփուկներին բերել է քամին: Սակայն օդերեւութաբանները հերքում են այդ վարկածը. նրանք պնդում են, որ «շերեփուկային անձրեւների» ժամանակ եղանակը խաղաղ է եղել եւ նման ուժգնության քամիներ չեն եղել: Մեկ այլ ենթադրությամբ, շերեփուկներին իրենց կտուցներից վայր են գցել թռչունները: Բայց նման բացատրության դեմ են արտահայտվել օրնիտոլոգները: Ըստ նրանց, թռչուններից շատերն իսկապես սնվում են շերեփուկներով: Սակայն, եթե թռչունները ...

Մոսկվայում հուլիսի սկզբին Սերժ Սարգսյանը, Իլհամ Ալիեւը, Դմիտրի Մեդվեդեւը, Բարաք Օբաման եւ Նիկոլա Սարկոզին կքննարկեն ղարաբաղյան հակամարտության կարգավորման գործընթացը: Այս մասին հաղորդում է ilhassondakika.com թուրքական կայքէջը: Ըստ լրատվամիջոցի, հուլիսի 6-ին երկօրյա այցով պատրաստվում է Մոսկվա ժամանել ԱՄՆ նախագահ Բարաք Օբաման, որի հետ ՌԴ մայրաքաղաք կայցելի Ֆրանսիայի նախագահ Նիկոլա Սարկոզին: Բացի այդ, ըստ կայքէջի, այդ ժամանակ Մոսկվայում են գտնվելու Հայաստանի եւ Ադրբեջանի նախագահները, որոնց հետ հանդիպումներ կունենա Բարաք Օբաման: Նշվում է նաեւ, որ այդ հանդիպմանը մասնակցության հրավեր Թուրքիան առայժմ չի ստացել եւ հավանական է, որ չստանա:

Ոստիկանությունը եւ բժիշկները Վրաստանի նախագահ Միխայիլ Սահակաշվիլու կարգադրությամբ հիվանդանոց են վերադարձրել չորսամյա աղջնակ Իննա Ցարելաշվիլուն, որի ծնողները «Եհովայի վկաներ» ընկերության անդամներ են եւ կրոնական համոզմունքներից ելնելով հրաժարվում են, որ երեխային բժշկական օգնություն ցույց տրվի, հաղորդում է «Նովոստի-Գրուզիա» գործակալությունը: Երկուշաբթի երեխայի ծնողները երեխային վերցրել էին վերակենդանացման բաժնից, ուր նա փոխադրվել էր եռացող ջրի հասցրած ուժեղ այրվածքներով: Բժիշկները երեխայի կյանքը փրկելու համար, որի մարմնի 30 տոկոսը այրվածքներով էր պատված, առաջարկել էին արյան փոխներարկում կատարել: Սակայն կրոնական նկատառումներով Իննայի ծնողները հրաժարվել էին բուժման կուրսից եւ ստորագրությամբ վերցրել երեխային հիվանդանոցից:

ՆԱՐԻՆԵ ՄԿՐՏՉՅԱՆ

Սկիզբը՝ նախորդ համարում

Չորրորդ միֆն ավելի մեծ աղմուկով ջարդվեց արդեն մայիսի 31-ին, երբ Տեր-Պետրոսյանը հասկացավ, որ Սերժ Սարգսյանը կոպտորեն մերժել է երկխոսության իր առաջարկներն ու կոչերը: Սա, անշուշտ, խիստ ցավալի էր Տեր-Պետրոսյանի համար, քանի որ այդ երկխոսության հետ էր նա կապում քաղբանտարկյալներին ազատ արձակելու հնարավորությունը:

Հաջորդ՝ հինգերորդ միֆը, որ ստեղծել էր Տեր-Պետրոսյանը, Հայ ազգային կոնգրեսին որպես քաղաքական հզոր գործոն ընկալելն է: Նա հրաժարվում էր ընդունել, որ ՀԱԿ-ի առաջմղիչ միջուկը Հայոց Համազգային Շարժման դեռեւս պահպանված ցաքուցրիվ փոքրիկ միավորներն էին, նրանց որդիները, վերջիններիս ընկերները եւ քաղբանտարկյալների հարազատները: ՀԱԿ անդամ մյուս կուսակցություններն ընդամենը հիշեցնում էին երբեմնի ընդդիմության «16+1» ձախողված ձեւաչափը: Որքան էլ ...

Նվեր ընտրելը հայերի համար խնդիր է

Երեւի չգտնվի այնպիսի մեկը, ով չսիրի նվեր ստանալ կամ նվիրել:

Օրինակ՝ տարիներ առաջ ամեն «իրեն հարգող» հայ տղա ընկերուհուն պարտադիր նվիրում էր մեծ, փափուկ խաղալիք: Հետո փափուկ խաղալիքը փոխարինվեց հայտնի ծաղկի սրահից գնված շքեղ ծաղկեփնջերով, վերջին տարիներին էլ այդ ամենին փոխարինելու եկան զարդերը՝ վզնոց, թեւնոց, մատանի, արձանիկներ, մոմեր, հուշանվերներ...

«Փափուկ խաղալիքի ժամանակներն արդեն անցել են, փափուկ խաղալիքով սիրելիիդ սիրտը չես գերի»,- ասում է «Regalo» նվերների խանութ-սրահի մենեջեր-խորհրդատու Կարինե Գրիգորյանը:

Ըստ նրա՝ հայերն ավելի շատ սիրում են նվիրել, քան նվեր ստանալ. «Երկար տարիներ աշխատելով այս բնագավառում, ինձ համար պարզել եմ, որ հայերը շատ են սիրում նվերներ տալ: Դա երեւի հայի բնավորություն է, երբ փորձում են սիրելի մարդու ...

Ֆրասիացի դերասան Ժան Ռենոն՝ հայ հանցագործի դերում. այս սցենարով նկարահանված՝ ռեժիսոր Լոռեն Տյուելի, ֆրանսահայ պրոդյուսեր Ալան Թերզյանի «Առաջին շրջան» ֆիլմով «Մոսկվա» կինոթատրոնում հուլիսի 12-ին կբացվի «Ոսկե ծիրան» միջազգային կինոփառատոնը, որը Երեւանում կանցկացվի մինչեւ հուլիսի 19-ը:

Փառատոնին մասնակցելու համար գրանցվել էր 65 երկրից 430 հայտ, որից, «դաժան» ընտրության արդյունքում, մնացել է 110 ֆիլմ 40 երկրից: Արդեն 6-րդ անգամ անցկացվող «Ոսկե ծիրանը» այս տարի եւս կունենա 3 մրցութային ծրագիր՝ Միջազգային խաղարկային եւ վավերագրական ֆիլմերի եւ հայկական համայնապատկեր մրցույթներ: Կներկայացվի նաեւ Կինոլրագրողների միջազգային ֆեդերացիայի «Ռեժիսորներ առանց սահմանների» ծրագիրը: Փառատոնի ծրագրերի տնօրեն Միքայել ...

Հունիսի 7-ին Հայկական հեռուստատեսությամբ ես դիտում էի ոչ թե մեր հայկական ազգային պարը, այլ մի խումբ տղա-աղջիկների տռճկոցները՝ թող որ ոչ ցածր, նույնիսկ բավական բարձր մակարդակով։

Խոսքը, այո, այն մասին է, որ մեր ժողովուրդը դարեր շարունակ պարել է ոչ թե մոգոնովի տռճկոցներ, այլ դանդաղ, հանգիստ ու հանդիսավոր՝ ոչ թե զարմանք, այլ հիացմունք արթնացնելով դիտողների ասեմ, թե ներկաների հոգիներում։

Պարը պետք է պարել եւ ոչ թե ցատկրտել։

Պարելիս էլ երբեք հայ մարդը չի ձգտել զարմացնել, այլ միայն հիացմունք պատճառել, այն էլ ոչ թե մոգոնովի, այլ դանդաղ ու հանդիսավոր պարային քայլերով ու շարժումներով։

Օրերս էլ Թուրքիայում հեռուստատեսային մի հաղորդում նվիրված էր հայկական ժողովրդական պարարվեստին: Պետք էր տեսնել, թե ինչպես էին պարում Թուրքիայում բնակվող հայ ծերերը՝ կատարելով 2-3 հայկական ազգագրական պարեր: ...