Այսօր Երևանում մեկնարկեց «Ծանոթացում Հայաստանի և Թուրքիայի տեղեկատվական և հաղորդակցման տեխնոլոգիաների ոլորտին և համագործակցության հնարավորությունների դիտարկում» թեմայով հայ եւ թուրք ձեռներեցների ու տեղեկատվական տեխնոլոգիաների (ՏՏ) ոլորտի ներկայացուցիչների հանդիպումը:
«Ինձ շատ դուր է գալիս, երբ Եվրամիությունն ու Ամերիկան միասին են նախաձեռնություններ իրականացնում: Աշխատում ենք, որ Հայաստանն ու Թուրքիան էլ միասին աշխատեն: Եթե Ամերիկան ու Եվրոպան դա կարողանում են անել, ապա Հայաստանն ու Թուրքիան էլ անպայման կանեն»,- ասաց Հայաստանում ԵՄ պատվիրակության ղեկավար Տրայան Հրիսթեան: Հանդիպման մասնակիցները ծիծաղեցին:
Թուրք ձեռներեցներից մեկն էլ ներկայացրեց թուրք փորձագետներին՝ ով որտեղ ինչով է զբաղվում: Հանդիպմանը ներկա էր 32 թուրք ձեռներեց:
Քննարկմանը ներկա Ինֆորմացիոն տեխնոլոգիաների ձեռնարկությունների միության գործադիր տնօրեն Կարեն Վարդանյանն էլ ասաց, որ ՏՏ ոլորտում հայկական ընկերություններն աշխատում են եվրոպական և Միջին Արևելքի բազմաթիվ երկրների հետ, ու մշակութային առումով հայերը շատ հարմարվող են. «Մեր միության անդամ են 70-ից ավելի ընկերություն: Մեր գործունեության մեջ մտնում է ընկերությունների իրավունքների պաշտպանությունը, ինչպես նաև ոլորտի խթանումը: Այսինքն՝ մենք աշխատում ենք նաև կառավարության հետ, որպեսզի նպաստավոր միջավայր ստեղծենք ՏՏ ոլորտի զարգացման համար: Բացի իրավունքների պաշտպանությունից, մենք որոշ աշխատանք ենք կատարում դաշտի զարգացման ոլորտում: Օրինակ՝ հոկտեմբերի առաջին շաբաթը ամեն տարի մենք կազմակերպում ենք «Դիջիթեք էքսպոն»: Դա տեխնոլոգիական Հայաստանի տոնն է, և այս տարի մենք ունեցել ենք մոտ 30 հազար այցելու: Բացի դրանից մենք որոշ ոլորտներ ենք փորձում խթանել, վերակառուցել, օրինակˋ ռոբոտիքսը: ԽՍՀՄ-ում ռազմական էլեկտրոնիկայի 1/3-ը մշակվում էր այստեղˋ Հայաստանում»:
Կարդացեք նաև
Արփինե ՍԻՄՈՆՅԱՆ
Господи! Как мы будем жить без умных советов г. Трайана, когда он уедет? !….. К статьи, а когда он уедет???