Արմեն Հարությունյանին մեղադրանք է առաջադրվել այն բանի համար, որ նա հանդիսանալով N զորամասի զինծառայող՝ 2014թ-ի հունիսի 5-ին, ժամը 21:30-ի սահմաններում զինվորական ծառայության պարտականությունները կատարելու, այն է՝ լրատվական ծրագրի դիտման ժամանակ առանց թույլտվության չբացակայելու հանձնարարությունը չկատարելու համար, իրեն դիտողություն անելու կապակցությամբ վիճաբանության մեջ է մտել իր պետ հանդիսացող Սամվել Հովհաննիսյանի հետ, որի ընթացքում բռնություն գործադրելով Ս. Հովհաննիսյանի նկատմամբ՝ քաշքշել, հրել է նրան և սեռական բնույթի հայհոյանքներ հնչեցրել:
Իսկ Սամվել Հովհաննիսյանին մեղադրանք է առաջադրվել այն բանի համար, որ նա հանդիսանալով N զորամասի դասակի հրամանատար`2014թ-ի հունիսի 5-ին, ժամը 21:30 -ի սահմաններում զինվորական ծառայության պարտականությունները կատարելու, այն է նույն վաշտի ժամկետային զինծառայող` Արմեն Հարությունյանի կողմից լրատվական ծրագրի դիտման ժամանակ առանց թույլտվության չբացակայելու հանձնարարությունը չկատարելու կապակցությամբ, որպես հրամանատար ինքնահաստատվելու շարժառիթով, զորանոցում վիճաբանության մեջ է մտել իր նկատմամբ ստորադաս հանդիսացող Ա. Հարությունյանի հետ, որի ընթացքում բռնություն է գործադրել և քաշքշել շարքային Ա. Հարությունյանին:
Սամվել Հովհաննիսյանի պաշտպանությունն իրականացրել է ՀՀ փաստաբանների պալատի անդամ Լիպարիտ Սիմոնյանը, իսկ Արմեն Հարությունյանինը՝ փաստաբան Մարինա Հակոբյանը:
Երեկ դատարանը Ս. Հովհաննիսյանին քրեական օրենսգրքի 358.1 հոդվածի 2-րդ մասով ճանաչեց անմեղ, եւ կայացրեց արդարացման դատավճիռ:
Կարդացեք նաև
Իսկ Արմեն Հարությունյանը մեղավոր ճանաչվեց քրեական օրենսգրքի 360-րդ հոդվածով եւ դատապարտվեց 3 ամսով պատժի՝ կարգապահական գումարտակում:
Ռուզան ՄԻՆԱՍՅԱՆ
Լուսանկարները`iravaban.net-ից
Կեցցե արդարադատությունը և շնորհակալություն փաստաբան Լիպարիտ Սարգսյանին