Օրերս Թեհրանում կազմակերպվել էր իրանահայ ճարտարապետ Վարուժան Առաքելյանի մեծարման երեկոն, որին մասնակցել են ԻԻՀ-ում ՀՀ արտակարգ և լիազոր դեսպան Արտաշես Թումանյանը, Իրանի հայկական համայնքի, մասնագիտական շրջանակների ներկայացուցիչներ: Հայաստանից մեկնած պատվիրակության կազմում է եղել նաև ՀՀ ԿԱ քաղաքաշինության պետական կոմիտեի նախագահի խորհրդական Արմեն Մինասյանը:
Ճարտարապետ Վ. Առաքելյանը մեծ ներդրում ունի Իրանի տարածքի հայկական հուշարձանների առանձնապես` Ս. Թադե, Ս. Ստեփանոս վանքերի և Ծործորի Ս. Աստվածածին եկեղեցու ճանաչման ու վերականգնման գործում: Երեկոյի ընթացքում ներկայացվել է ճարտարապետի գործունեության մասին պատմող «Հաիաքածոյ ճրտպ. Վարուժան Առաքելեանի աշխատութիւններից» գիրքը:
ՀՀ ԿԱ քաղաքաշինության պետական կոմիտեի նախագահ Նարեկ Սարգսյանի հրամանով ճարտարապետ Վ. Առաքելյանը պարգևատրվել է Կոմիտեի «Մոմիկ ճարտարապետ» ոսկե մեդալով, որը նրան է հանձնել Կոմիտեի նախագահի խորհրդական Արմեն Մինասյանը:
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆՆ ԱՌԸՆԹԵՐ
ՔԱՂԱՔԱՇԻՆՈՒԹՅԱՆ ՊԵՏԱԿԱՆ ԿՈՄԻՏԵ
