Մինչ այսօր Ռոբերտ Քոչարյանի եւ լրատվամիջոցների ղեկավարների հանդիպումների մասին որեւէ արտահոսք չէր եղել։ Նախագահի մամուլի խոսնակ Կասյա Աբգարյանը երեկ խախտեց ավանդույթը. «Ինչպես գիտեք, խոլերայի համաճարակի հետ կապված, նախագահը մասնավոր բրիֆինգի հրավիրեց ձեզ բոլորիդ, որտեղ պարզաբանվեց համաճարակի հետ կապված իրողությունը եւ մեր կողմից խնդրվեցավ, որ ոչ մի ձեւով պանիկա եւ էսպես ավելորդ սենսացիոնալ պատմություններ չստեղծել»։ Տիկին Կասյան նախագահի անունից շնորհակալություն հայտնեց մամուլին «համագործակցության օրինակելի դեպքի» համար. «զուսպ գտնվեցան, որպեսզի ավելորդ-պակաս ինֆորմացիա դուրս չգնա»։
Ի դեպ, նախագահի խոսնակն առաջին բարձրաստիճան պաշտոնյան էր, որ խոլերայի համաճարակի մասին խոսեց՝ առանց դա տեղայնացնելու կամ մասնավորեցնելու։
Կարդացեք նաեւ էջ 2:
ԺՈՂՈՎՐԴԱԿԱՆ ԽՄԲԱԿՑՈՒԹՅՈՒՆ
Կարդացեք նաև
Բացի Քիմռեակտիվների գործարանի տնօրեն Վոլոդյա Բադալյանից, Կարեն Դեմիրճյանի գլխավորած Ժողովրդական կուսակցության՝ խորհրդարանում ներկայացված անդամներից է նաեւ «Կանազի» տնօրեն Ռոբերտ Ենգոյանը։ Նրանք իրենց կուսակցական պատկանելության մասին հայտարարություն կանեն առաջիկա նստաշրջանում։ Ասենք նաեւ, որ նույնիսկ չի բացառվում պատգամավորական խմբակցության ստեղծումը։
ԱԼԲԵՐ ՔԱՄՅՈՒ. ԶԱՐԹՈՆՔ
Արմավիրի մարզի Զարթոնք գյուղում արձանագրված մահվան դեպքերի համար գյուղացիները մեղադրում են բժիշկներին, որոնք մեկ շաբաթ ուշացումով էին ախտորոշել հիվանդությունը՝ փորձելով թաքցնել իրողությունը։ Մինչդեռ սեպտեմբերի 5-ից Զարթոնքում իրականացվող կարանտինի պայմանները խախտելով, որոշ գյուղացիներ փորձում են զարտուղի ճանապարհներով դուրս գալ իրենց բնակավայրերից՝ դրանով իսկ սպառնալով Գրիբոյեդով եւ Տարոնիկ գյուղերի բնակիչների առողջությանը։
