ԱԺ օտարերկրյա պետություններից եւ միջազգային կազմակերպություններից ստացված վարկերի ու փոխառությունների օգտագործման արդյունավետությունն ուսումնասիրող հանձնաժողովի անդամներից ոմանց մոտ մտավախություն կա, թե իրենք չեն հասցնի համապատասխան զեկույց ներկայացնել։ Այդ շահագրգռությունն ունեն բազմաթիվ ուժեր եւ չի բացառվում, որ հունվարին Ազգային ժողովը լուծարվի։ Զեկույցը չլսելուց բացի, կա նաեւ այլ նպատակ. այնպես անել, որպեսզի ընտրություններն անցկացվեն ձմռանը՝ ժողովրդի ցածր ակտիվությամբ։
«… ՈՒՂՂԻՉ ԱՇԽԱՏԱՆՔԱՅԻՆ ԳԱՂՈՒԹՈՒՄ»
«Ի վերջո, խորհրդական լինելը չի նշանակում, որ նրա խորհուրդները պիտի կատարեն,- Պարույր Հայրիկյանի պաշտպանությունը նման յուրօրինակ ձեւով իրականացրեց ԱԻՄ-ի խորհրդարանի (դիվանի) խոսնակ Արամ Հարությունյանը։- Այն նախագահները, որոնք կընդունեն այդ խորհուրդները՝ կշահեն։ Մեր տառապանքը փորձ ունի. նախորդ նախագահը մի քանի անգամ խուսափեց, չօգտվեց այդ հնարավորությունից եւ բոլորիս հայտնի է, թե նա հիմա որտեղ է»։ Դահլիճի տարբեր անկյուններից հայտնի (վերնագիր դարձած) պատասխանը հուշեցին։
ԱՐԱՐՔՑՅԱՆՆ ԱՍՈՒՄ Է՝ ԼԻՍԱԲՈՆՆ Է
Կարդացեք նաև
Ազգային ժողովի նախկին նախագահ Բաբկեն Արարքցյանը հայտարարել է, որ ԵԱՀԿ Մինսկի խմբի համանախագահների նոր առաջարկությունները հիմնված են լիսաբոնյան սկզբունքների վրա, որոնք ժամանակին մերժվել են Հայաստանի կողմից։ Ավելի ուշ, անդարդառնալով այս հայտարարությանը, ԱԺ փոխնախագահ Ալբերտ Բազեյանը չի համաձայնել Բաբկեն Արարքցյանի հայտարարությանը։
ՀՀԿ-Ն ՄԱՐԳԻՆԱ՞Լ
ՌԱ(ԼԴ)Կ նախագահ Վիգեն Խաչատրյանն անդրադառնալով Հանրապետական կուսակցության հզորացման գործընթացին, ասել է. «Որ օրը Վազգեն Սարգսյանը զրկվի պաշտոնից, հաջորդ օրն այս կուսակցությունը հեռանալու է ասպարեզից։ Մնալու է ԵԿՄ-ն, որը շատ կարեւոր ու լուրջ կազմակերպություն է իր հասարակական բնույթով, բայց Հանրապետականը դառնալու է մարգինալ կուսակցություն»։
