ԱԺ 9-րդ նստաշրջանի մեծ օրակարգում շուրջ 150 օրինագծեր են, փետրվարի 1-3-ի նիստերի օրակարգում՝ շուրջ 96-ը։ Երեկվա նշանակալից իրադարձություններից էր, որ «Հանրապետություն» խմբակցությունը տապալեց «Երկրաշարժից տուժած բնակավայրերի վերականգնման մասին» քվեարկությունը՝ չմասնակցելով դրան։ Նաեւ որոշում ընդունվեց փետրվարի 8-ին արտահերթ նստաշրջան հրավիրելու մասին, որի օրակարգում «ԱրմենՏելի» հիմնադրման եւ սեփականաշնորհման օրինականությունը ստուգող, «Հայկական ավիաուղիների», Երեւանի կոնյակի գործարանի, «Արմենիա» հյուրանոցի գործունեության եւ սեփականաշնորհման գործընթացներն ուսումնասիրող ժամանակավոր հանձնաժողովների ստեղծման հարցերն են։ Ազգային հեռուստատեսության եւ ռադիոյի կառավարման մասին օրենքի նախագիծը եւ այլն։ Իսկ առայժմ քննարկվում է «Կրթության մասին» բազմաչարչար օրենքը։ Ի դեպ, եռօրյա նիստերի օրակարգում «Տնտեսական մրցակցության պաշտպանության մասին» եւ երկու այլ օրինագծեր կան, որոնց նախաձեռնող է նշված նաեւ Վանո Սիրադեղյանը։
Ա. Ի.
