Ժամը 12։00-ին նշանակված քրեական դատավարությանը երեկ սպասեցինք մինչեւ 15։30-ը։ Հարգելով մեզ՝ վերադարձանք խմբագրություն։
Պիտի շարունակվեր ՆԳ եւ ԱԱ նախարարության առաջին գլխավոր վարչության բաժանմունքի պետ Աշոտ Խաչատրյանի եւ երրորդ գլխավոր վարչության բաժնի պետի տեղակալ Լեւոն Աբրահամյանի նկատմամբ հարուցված քր. գործի դատավարությունը։ Նախորդ օրը դատարանը (դատավոր Ս. Հովսեփյան) մերժել էր որպես վկա դատարան հրավիրելու ամբաստանյալների պաշտպանների միջնորդությունները, ինչի պատճառով ամբաստանյալները հրաժարվել են ոչ միայն իրենց փաստաբաններից, այլեւ դատավարությանը մասնակցելուց։
Ամբաստանյալների գնահատմամբ «այս դատարանը արտակարգ դատարան» է եւ «անիմաստ է դատարանի նման պահվածքի առկայությամբ շարունակել դատական շոուն»։
Երեկ տեղեկացանք, որ հեռախոսային ահաբեկչության է ենթարկվել Աշոտ Խաչատրյանի պաշտպան Վարդան Սաֆարյանը։ Իսկ ընդհանրապես, երկու ամբաստանյալները, որոնք դահլիճում մինչեւ վերջերս «նստում» էին կողք-կողքի, առանձնացվել էին։
Կարդացեք նաև
Ռ. Մ.
