Հայաստանի բանկերի գերակշիռ մեծամասնությունը մինչեւ խորհրդարանական ընտրությունների ավարտը դադարեցրել են վարկեր տրամադրելը։ Իսկ այն բանկերը, որոնք շարունակում են, ասենք, ամսական նախկին 2,5%-ի փոխարեն՝ 4%-ով են վարկ տրամադրում։
ԱՍԱ՛, ԸՆԿԵՐԴ ՈՎ է…
Վերջերս փոստի եւ հեռահաղորդակցության փոխնախարար նշանակված Դերենիկ Մարգարյանը, բացի ժամանակին Կապանի տրիկոտաժի արտադրական միավորումը գլխավորելուց եւ Սյունիքի հարցերով պետնախարար Վազգեն Սարգսյանի աշխատակազմին անդամակցելուց՝ նաեւ Ռուսաստանի վարչապետ Եվգենի Պրիմակովի ընկերն է։
Կարդացեք նաև
ԴՈՒ՝ ԻՆՁ, ԵՍ՝ ՔԵԶ
Բացառիկ հաջողության է հասել Արարատի մարզպետ Հովիկ Աբրահամյանը։ Չար լեզուները պնդում են, որ նա կարողացել է Կարլեն Միքայելյանին նշանակել տալ գյուղատնտեսության փոխնախարար, որը պատգամավոր է Մասիսից։ Իսկ ո՞րն է Աբրահամյանի օգուտը, կհարցնի ընթերցողը։ Այն, որ Կարլեն Միքայելյանը կհանի թեկնածությունը ու չի քվեարկվի իր եղբոր՝ Հենրիկի ընտրատարածքում։
ՅՈՒԴԱՇԿԻՆԸ ԴՈ՛Ւ ԵՍ
-Ձեզ ասե՞լ են, որ Վալենտին Յուդաշկինին նման եք։
Այս հարցն «Առավոտը» տվեց Երիտասարդական կուսակցության առաջնորդ Սարգիս Ասատրյանին։
-Եթե դուք ինձ մյուս անգամ էլ այդպես վիրավորեք, ես ձեր թերթը փակել կտամ։
Յուդաշկինը արվամոլ է։ Եթե «Առավոտի» վաղվա համարը լույս չտեսնի, մեղավորը Սարգիսն է։ Ասատրյա՛ն։
