Օրեր առաջ «Առավոտը» վերարտադրել էր մի ղարաբաղցու դիտողությունն այն մասին, որ ԼՂՀ հրամանատարները փոխանակ իրենց շքանշանները ի նշան բողոքի հանձնեին, թող հանձնեն իրենց «ջիպերն» ու «մերսեդեսները»։ Շքանշանները հանձնելու մասին իր վերաբերմունքն է արտահայտել նաեւ ԼՂՀ պաշտպանության նախարար Սեյրան Օհանյանը։
Նրա հետ հարցազրույցը կարդացեք 4-րդ էջում։
ՓԱՅՏԵ ԶՈՐԱՆՈՑԻ ՓՈԽԱՐԵՆ՝ ՔԱՐԵ
Կարդացեք նաև
«Առավոտին» մի լուր էին փոխանցել, թե նախագահի աշխատակազմի տարածքում զորանոց է կառուցվում, որտեղ գիշերելու են զինվորները։ Պատկան մարմիններից հաջողվեց պարզել, որ խոսքը նախագահի նստավայրի շենքը հսկող զինվորների՝ նախորդ տարիներին փայտե տնակի (ու նաեւ՝ փայտե զուգարանի) փոխարեն քարե շինություն կառուցելու մասին է։
ԱՆՄԱՔՍ
«Ազատություն» ռ/կ-ը փոխանցել է Ստեփանակերտում տարածված լուրերը, որ կառավարությունը պատրաստվում է լուծարել ԼՂՀ մաքսային վարչությունը։ Ավելի վաղ, ԼՂՀ վարչապետ Անուշավան Դանիելյանը, պատասխանելով «Ազատ Արցախ» թերթի հարցին, նշել էր, թե կառավարությունն ուսումնասիրում է այդպիսի կառույց ունենալու հարցը։
ՀՈԳՈՎ ԴԵՌԵՎՍ ԱԺ-ՈՒՄ Է
Քանի դեռ չի ընտրվել ԱԺ նախագահի նոր տեղակալ, ԱԺ նախագահի նախկին տեղակալ Ալբերտ Բազեյանի աշխատասենյակի դռան ցուցանակը դեռեւս իր տեղում է։
