Հետին թվով եւ աններելի ուշացումով պարզեցինք, որ ՀՀ նախկին վարչապետ Արմեն Դարբինյանը եւս հումորի զգացում ունի։ Սույն բացահայտումն արեցինք, երբ ընթերցեցինք ԱԺ կանոնակարգում փոփոխություն կատարելու վերաբերյալ 1998-ի հոկտեմբերին կառավարության եզրակացությունը, որի տակ նա ստորագրել էր։ Եվ ԱԺ նախագահին ուղարկված պաշտոնական փաստաթղթի մեջ գրել էին, թե այդ եզրակացությունը «34 պատգամավորների եւ Արշակ Սադոյանի» օրենսդրական նախաձեռնության մասին է։ … Իսկ միգուցե սա հումո՞ր չէր։ Միգուցե Արմեն Դարբինյանն այնքա՜ն էր սիրում Արշակ Սադոյանին, որ նրան ուղղակի առանձնացնո՞ւմ էր այլ պատգամավորներից։
ՎԱՏ ԼՈՒՐ
Նախագահին առընթեր մարդու իրավունքների հարցերի հանձնաժողովի նախագահ Պարույր Հայրիկյանը երեկ ճեպազրույցում հայտարարել է. «Հոկտեմբերի 27-ի հետ կապված տեսանք, որ ունենք հրամանատարություն կամ հրամանատարներ, որ դեռեւս չեն հասկանում, թե որն է իրենց կոչումը։ Եվ դա արդեն շատ ավելի վտանգավոր է»։
