Շարունակելով ձեւավորված նոր ավանդույթը՝ հունիսի 1-ին Ազգային ժողովի այգում կրկին կբացվեն դռները: Ինչպես, ըստ «Արմինֆոյի», տեղեկացնում է ՀՀ ԱԺ հասարակայնության հետ կապերի վարչությունը, Երեխաների իրավունքների պաշտպանության միջազգային օրվա կապակցությամբ Հայաստանի խորհրդարանի տարածքում փոքրիկների համար կկազմակերպվի ուրախ միջոցառում: «Ամեն ինչ փոքրիկների համար» կարգախոսի ներքո անցկացվող միջոցառման ընթացքում Ազգային ժողովը պատրաստել է բազմաթիվ անակնկալներ: Միեւնույն ժամանակ՝ տեղի կունենա տոնական համերգ, որի ընթացքում ելույթ կունենան հայկական էստրադայի սիրված երգիչները:
