Համաշխարհային տնտեսական ֆորումը (ՀՏՖ) այս տարի 2-րդ անգամ անցկացրեց Համաշխարհային առեւտրի խթանման համեմատական վերլուծությունը՝ 121 երկրների համար:
Զեկույցում ներառված երկրներից կրկին լավագույն կատարողականն են գրանցել Սինգապուրը եւ Հոնկոնգը: «Ա1+»-ի տեղեկացմամբ, 2009-ի վերլուծության արդյունքներով, Հայաստանը առեւտրի խթանման ցուցանիշով 64-րդ տեղում է, իսկ ԱՊՀ երկրների շարքում մեր երկիրն այս ցուցանիշով զբաղեցնում է երկրորդ տեղը: Նշենք, որ Համաշխարհային առեւտրի խթանման ցուցիչը հաշվարկվում է նրանով, թե որքանով են տվյալ երկրում առկա առեւտրի հոսքերի ազատությունը պայմանավորող գործոնները:
