Արձագանքելով «Առավոտի» հունիսի 22-ի «Տենց էլ չգտան՝ ինչ փնտրում էին» հրապարակմանը, որտեղ անդրադարձել էինք Գավառ քաղաքում կազմակերպված աշխատանքի տոնավաճառին, աշխատանքի եւ սոցիալական հարցերի նախարարությունը պարզաբանում է. «Տոնավաճառը կազմակերպվել էր պետական բյուջեի շրջանակներում, նախարարության «զբաղվածության պետական ծառայություն» գործակալության կողմից: Նյութում նշված է եղել, որ այն իրականացվել է տեղամասային զբաղվածության ծառայության կողմից, սակայն գործնականում դրա իրականացնողն էր Գավառի զբաղվածության մարզային կենտրոնը»:
