Առողջապահության նախարարությունը բացահայտել է օգոստոսի 19-ին Հրազդանի կիրճի «Գեղամա» ռեստորանում զանգվածային թունավորման պատճառը, երբ ռեստորանից հիվանդանոց էին տեղափոխվել հարսանիքի մասնակից 41 հոգի: Հոսպիտալացվածների մոտ եղել է ոսկեգույն ստաֆիլակոկ եւ էնտերոպաթոգեն աղիքային ցուպիկ, ինչով եւ պայմանավորված էր սննդային թունավորումը: Երեկվա դրությամբ՝ բոլոր հիվանդներն արդեն դուրս են գրվել:
