Հայաստանի ձյուդոիստները մեկական ոսկե եւ արծաթե մեդալ նվաճեցին Վարշավայում անցկացված աշխարհի գավաթի առաջնությունում: 60 կգ քաշային Հովհաննես Դավթյանը, առավելության հասնելով մրցակիցների նկատմամբ, հասավ եզրափակիչ, սակայն այստեղ պարտվեց անգլիացի Էշլի Մակքենզիին: Իսկ մինչեւ 66 կգ քաշային կարգում հանդես եկող Արմեն Նազարյանը վճռական գոտեմարտում պարտության մատնեց տատամիի տերերից Պավել Զագրոդնիին եւ բարձրացավ պատվո պատվանդանի առաջին աստիճան: Սակայն նույն օրը ձախողվեցին մեր 73 կգ քաշայիններ Արտյոմ Բաղդասարյանն ու Ռոբերտ Վարդանյանը: Իսկ մինչեւ 100 կգ քաշային Հակոբ Առաքելյանը պայքարի մեջ պետք է ներգրավվեր կիրակի օրը: Նա էլ բավարարվեց 7-րդ տեղով:
