![\"\"](\"https://www.aravot.am/2011/aravot_arm/July/8/p16.jpg\")
BBC-ի փոխանցմամբ, հինգշաբթի օրը, Մինսկում տեղի ունեցած բողոքի լուռ ակցիայի ընթացքում ավելի քան 100 մարդ է ձերբակալվել: Երկրի ողջ տարածքում ձերբակալվածների թիվը, իրավապաշտպանների տվյալներով, գերազանցում է 200-ը: Բելառուսի ոստիկանությունը ձերբակալել է նաեւ ռուսական ծՁԹ հեռուստակայանի նկարահանող խմբի անդամներին, բայց հետո ազատ են արձակվել: Հաղորդվում է նաեւ «Ինտերֆաքսի» եւ «Ազատություն» ռ/կ-ի լրագրողների, բելառուսական ինտերնետ-պարբերականների թղթակիցների ձերբակալության մասին: Ակցիաները, որոնց մասնակիցները առանց հակակառավարական կարգախոսներ հնչեցնելու զբոսնում են փողոցներում եւ ծափահարում են, սկսվել են հունիսից ի վեր՝ ամեն չորեքշաբթի օր: Վերջին ակցիան թվով 6-րդն էր: Իշխանությունները փորձում են դաժանորեն ճնշել երկրի ընդդիմադիր կեցվածք ունեցող քաղաքացիների բողոքի անգամ լռելյայն ակցիաները՝ ամեն անգամ ձերբակալելով տասնյակ մարդկանց: Հաղորդվում է, որ չորեքշաբթի օրը Մոսկվայում Բելառուսի դեսպանատան մոտ տեղի է ունեցել բելառուս ակտիվիստների հետ համերաշխության երկու բողոքի ցույց, որին մասնակցել է շուրջ 50 մարդ:
