Մայքլ Ջեքսոնի անձնական բժիշկը հեռուստաեթերով հայտարարել է, որ աշխարհահռչակ երգչի մահվան պատճառն իր սխալը չի եղել: NBC հեռուստաընկերությունը հեռարձակել է հարցազրույց Քոնրադ Մյուրեյի հետ, որտեղ նա իրեն առաջադրված մեղադրանքը համարել է անհիմն: Օրերս Լոս Անջելեսի գերագույն դատարանը Մյուրեյին մեղավոր ճանաչեց փոփի արքայի ոչ դիտավորյալ սպանության մեջ, դատավճիռը կհրապարակվի նոյեմբերի 29-ին:
Դիահերձման եւ կենսաքիմիական ստուգումների արդյունքների համաձայն` երգչի սիրտը կանգ է առել ուժեղ ներգործող հանգստացնող եւ ցավազրկող դեղամիջոցների չարաշահման հետեւանքով: Սակայն բժիշկը հարցազրույցում պնդում է, որ ինքն այդ օրը դեղորայքի շատ փոքր չափաբաժին է տվել Մայքլ Ջեքսոնին: Այս հարցազրույցը ընդգրկվել է փոփի արքայի մասին պատմող «Մայքլ Ջեքսոնն ու բժիշկը. ճակատագրական մտերմություն» ֆիլմում:
«Ազատություն» ռ/կ
