«Միկա ցեմենտ» գործարանում երեկ շահագործման հանձնվեց ցեմենտի փաթեթավորման նոր հոսքագիծ: Հոսքագիծը հնարավորություն է տալիս ցեմենտը լցոնել 50 կգ-անոց պարկերի մեջ, ինչպես նաեւ պալլետացնել 1տոննայանոց փաթեթները եւ բեռնել տրանսպորտային միջոցների մեջ:
Տեղադրվել է «Հավեր-Բեքեր» գերմանական ֆիրմայի 10 դիրքանի հաստոց՝ 150տոննա/ժամ կամ 3000 պարկ/ժամ արտադրողականությամբ:
Հոսքագիծը հագեցած է համապատասխան մատակարարման միջոցներով՝ ցեմենտը սիլոսներից մինչեւ հաստոցի բունկեր տեղափոխելու, ապա ցեմենտի արտանետումների հավաքման ասպիրացիոն համակարգով, որն ապահովում է անթափոն տեխնոլոգիա: Դրանից հետո էլ ավտոմատ կերպով կշռվում է եւ հատուկ տեղափոխիչների միջոցով հասցվում է պալլետացման եւ բեռնման՝ բաց եւ փակ մեքենաներ, ինչպես նաեւ երկաթուղային վագոններ:
Այս նոր հոսքագիծը սպասարկում է 13 հոգանոց անձնակազմը: Կապիտալ ներդրումները կազմել են մոտ 2,5 մլն եվրո:
Կարդացեք նաև
Նոր փաթեթավորող հոսքագծի ներդրման տարեկան տնտեսական ազդեցությունը կկազմի մոտ 30 մլն դրամ՝ 1 տոննա փաթեթավորված ցեմենտի թողարկման վրա ծախսվող էլեկտրական էներգիայի նվազման, աշխատավարձերի ֆոնդի տնտեսման, 1 տոննա փաթեթավորված ցեմենտի պայմանական մշտական ծախսերի ինքնարժեքի իջեցման հաշվին :
Միկա ցեմենտի մամուլի ծառայություն
