Հասարակական տրանսպորտից մամուլի շենքի մոտ իջնել ցանկացող ուղեւորների աղաչանք-պաղատանքներին այլեւս վարորդներն ընդառաջ չեն գնում. «Էլ առաջվանը չի՜, «ԳԱԻ»-ն թաքնված տեսախցիկներ է դրել, 10 հազար դրամ կտանե՞ս մուծես, որ բռնեն»,-այսպես արձագանքեց վարորդներից մեկը, երբ նրան խնդրեցինք մամուլի շենքի առաջ կանգառ անել: Արդեն քանի տարի է՝ մամուլի շենքի դիմաց կանգառ հիմնելու հարցը ոչ մի կերպ չի լուծվում: Կրկեսից մինչեւ «Սուրմալու» տոնավաճառ կանգառ չկա: Մամուլի շենքի մոտ իջնողները համարյա մեկ կանգառ էլ պետք է ոտքով հետ գան:
Հաշվի առնելով, որ այս ձմռան ամիսներին այդ ամբողջ ճանապարհահատվածը սառցակալում է, իսկ շենքերի տանիքներից մետրերով սառցաբեկորներ են կախվում, այդ ճանապարհով քայլելը նույնիսկ շատ վտանգավոր է:
Նշենք, որ տարբեր առիթներով երբ այս հարցը բարձրացվում է, քաղաքային իշխանությունները այս հարցի առնչությամբ պատասխանել են, որ «Երեւանի հասարակական տրանսպորտի երթուղային ցանցի լրամշակման աշխատանքներին զուգահեռ, ուսումնասիրվում են նաեւ կանգառների կանոնակարգման խնդիրները»:
Սեփ. լր.
Կարդացեք նաև
«Առավոտ» օրաթերթ
