Մինչեւ 52,2 կգ քաշային կարգում WBC վարկածով աշխարհի նախկին չեմպիոն, մեքսիկացի Թոմաս Ռոհասը խոստովանել է, որ 2007 թվականին իր հայրենակից Խորխե Արսեի հետ մենամարտի 6-րդ ռաունդում $100 հազար փոխհատուցման դիմաց ձեւացրել է, թե նոկաուտի է ենթարկվել: Այդպես, նա հաստատել է ավելի վաղ «Notivas»- ում տպագրած իր հետ հարցազրույցում արտահայտված կասկածները: Այն ժամանակ Ռոհասը հայտարարել էր, թե հարցազրույցը սարքովի է եւ իր սիմուլյացիայի մասին ինքը լրագրողին ոչ մի մեկնաբանություն չի տվել:
Ռոհասը բացահայտել է գործարքի մանրամասները: Նախնական պայմանավորվածության համաձայն, ինքն իրավունք ուներ արդար պայքարում մինչեւ 6-րդ ռաունդը հաղթել Արսեին: Բայց եթե մարտը շարունակվեր, ինքը պարտավոր էր ձեւացնել, թե նոկաուտի է ենթարկվել: Սակայն կշեռքի ժամանակ պրոումոթերը նրան տեղեկացրել է, թե գործարքի պայմանները փոփոխվել են եւ ինքը պարտավոր է «նոկաուտ լինել» հենց 6-րդ ռաունդում, ինչն էլ արել է:
Ռոհասի խոսքերով, Խորխե Արսեն իրեն դրա համար լրացուցիչ $ 20 հազար էր խոստացել, սակայն փողը մինչեւ հիմա չի տվել:
Կարդացեք նաև
Աշոտ ՀԱԿՈԲՅԱՆ
