«Ժառանգություն» կուսակցության մամլո խոսնակ Հովսեփ Խուրշուդյանի գնահատմամբ, անցնող տարին թե’ ընդդիմության, թե’ իշխանության համար կորսված հնարավորությունների տարի էր:
«Ընտրական օրենսգրքի վերաբերյալ Հանրապետական կուսակցության ներկայացուցչի գնահատականը չենք կիսում: Այնտեղ որեւէ իրական բարեփոխում տեղի չի ունեցել: Ընտրական օրենսգիրքն աննշան փոփոխությունների ենթարկելով, ընդամենը փորձ է արվել տպավորություն ստեղծել, որ քայլ է արվում կատարելու ԵԽԽՎ-ի համապատասխան բանաձեւի շրջանակներում ստանձնած պարտավորությունը, բայց իրականում այն առանցքային փոփոխությունները, որոնք պահանջում էինք ընդդիմությունը եւ մասնավորապես «Ժառանգությունը», չկատարվեցին առանց որեւէ հիմնավոր պատճառաբանության»,- այսօրվա ասուլիսում, ամփոփելով անցնող տարին, ասաց Հ. Խուրշուդյանը:
Նրա խոսքով, Հայ- թուրքական արձանագրությունների ստորագրումից ի վեր որեւէ դրական ազդեցություն Հայաստանի վրա չի եղել, հակառակը՝ այդ արձանագրությունները կանխարգելեցին Հայոց ցեղասպանության կանխարգելման գործընթացը: Ըստ նրա, Թուրքիան ցույց տվեց, որ ընդամնեը ժամանակ շահելու խնդիր ուներ եւ շահեց այդ արձանագրությունների ստորագրմամբ:
Լուսինե ԽԱՉԱՏՐՅԱՆ
Կարդացեք նաև
