Մշտապես գեղեցիկ սեռի ներկայացուցիչներով շրջապատված, գեղեցկությունը գնահատող եւ աշխարհի տարբեր երկրներում հայ կնոջ գեղեցկությունը «գովազդող» Համաշխարհային գեղեցկության եւ նորաձեւության լիգայի», «Միսս եւ Միստր աշխարհ» միջազգային կազմկոմիտեի նախագահ Աշոտ Խաչատրյանը Aravot.am-ի հետ զրույցում մարտի 8-ի կապակցությամբ իր շնորհավորական խոսքերը հղելով կանանց՝ ասաց, որ ինքն առանձնահատուկ շնորհավորում է նախ բոլոր մայրերին, ապա բարի ու ազնիվ կանանց: «Ցանկանում եմ բոլորին ժպիտներ, սեր, երջանկություն, հավերժ գեղեցկություն, քանի որ տգեղ կանայք չկան, կա չնկատված գեղեցկություն, եւ մեկ էլ իրենց չհետեւող կանայք» -կարծում է Ա. Խաչատրյանը:
Ըստ նրա`կոպտությունն ու չարությունը ոչնչացնում են գեղեցկությունը, ուստի խորհուրդ է տալիս կանանց հաճախ նայել հայելու մեջ ու հիշել, որ գեղեցիկ են, հմայիչ եւ դեռ ունենալու են շատ երջանիկ պահեր. «Սիրելի կանայք, թող ձեր սրտերում միշտ արեւոտ գարուններ լինեն: Շնորհավորում եմ նաեւ մեր գեղեցկուհիներին, բոլոր նրանց ովքեր մասնակցում են գեղեցկության մրցույթներին, ցանկանում եմ նրանց մեծ բեմեր ու հաղթանակներ»:
Քանի որ Աշոտ Խաչատրյանը շատ է ճանապարհորդում ու ինչպես ինքն է ձեւակերպում՝ նվերներ անելն իր թուլությունն է. ոչ միայն մարտի 8-ի կապակցությամբ, այլեւ շատ առիթների ու նաեւ անառիթ, արտերկրից միշտ յուրահատուկ նվերներ է բերում հարազատների համար՝ հագուստների, օծանելիքի եւ այլ իրերի տեսքով:
ԵՎԱ ՀԱԿՈԲՅԱՆ
