Այսօր մեկնարկեց մայիսի 6-ին կայանալիք խորհրդարանական ընտրություններին հնարավոր թեկնածուների կողմից փաստաթղթերը ներկայացնելու գործընթացը, որն ավարտվելու է մարտի 22-ին:
Aravot.am-ի ունեցած տեղեկություններով, առաջիկա խորհրդարանական ընտրություններին մեծամասնական ընտրակարգով Երեւան քաղաքի Արաբկիր համայնքի երկու ընտրատարածքներից մեկում՝ թիվ 4-ում, առաջադրվելու մտադրություն ունի «Ժառանգություն» խորհրդարանական խմբակցության քարտուղար, անկուսակցական Լարիսա Ալավերդյանը:
Մեզ հետ զրույցում տիկին Ալավերդյանն ասաց, որ եթե կուսակցությունում որոշում կայացվի մեծամասնական ընտրակարգով թեկնածուներ եւ մասնավորապես՝ իր առաջադրման մասին, ապա՝ այո, ինքը կառաջադրվի Արաբկիրի թիվ 4 ընտրատրածքում:
Հիշեցնենք՝ այս պահին հայտնի է, որ այդ նույն ընտրատարածքում ՀՀԿ-ն պաշտպանելու է ԱԺ պատգամավոր Արտակ Սարգսյանի՝ «ՍԱՍ-ի Արտակի», ԲՀԿ-ն՝ ՄԱԿ նախագահ Գուրգեն Արսենյանի, ՀԱԿ-ը՝ ՀՀՇ վարչության նախագահ Արամ Մանուկյանի թեկնածությունները: Այս նույն ընտրատարածքում քաղաքացիական նախաձեռնությամբ առաջադրվելու են նաեւ «168 ժամ» թերթի գլխավոր խմբագիր Սաթիկ Սեյրանյանը, որին աջակցելու է «Ազատ դեմոկրատներ» կուսակցությունը ու նախկին քաղբանտարկյալ Սուրեն Սիրունյանը:
Կարդացեք նաև
Նաիրա ՄԱՄԻԿՈՆՅԱՆ
