«Ազատ դեմոկրատներ» կուսակցության երկրորդ (արտահերթ) համագումարին հրավիրյալների թվում ներկա են հիմնականում հայաստանյան ընդդիմադիր դաշտը ներկայացնող, այդ թվում՝ ՀԱԿ-ին մաս կազմող կուսակցությունների առաջնորդներ եւ շարքային անդամներ։ Այստեղ են եւ համագումարին ուղղված ողջույնի ելույթներ ունեցան «Նոր ժամանակներ» կուսակցության նախագահ Արամ Կարապետյանը, ՀՅԴ Հայաստանի ԳՄ ներկայացուցիչ Արմեն Ռուստամյանը, Պահպանողական կուսակցության ղեկավար Միքայել Հայրապետյանը, նաեւ՝ «Ժառանգություն» կուսակցության առաջնորդ Րաֆֆի Հովհաննիսյանը։
Իշխանական դաշտը ներկայացնող գործիչներն, ինչպես եւ ակնկալվում էր՝ նկատի ունենալով, որ «Ազատ դեմոկրատները» իշխանական կուսակցություններին չէին հրավիրել, համագումարում չկան։ Փոխարենը համագումարին ներկա էր ՀՀ նախկին ԱԳ նախարար Վարդան Օսկանյանը, բայց, ինչպես ինքն ասաց Aravot.am-ի հետ զրույցում, ոչ թե որպես ԲՀԿ-ի ներկայացուցիչ, այլ որպես Վարդան Օսկանյան։
